RMV, arritën të gjitha pajisjet fingerprint që do të përdoren për herë të parë në zgjedhje
Komisioni Shtetëror i Zgjedhjeve në Maqedoninë e Veriut ka pranuar edhe sasinë e fundit të pajisjeve fingerprint, pas tre pranimeve të mëhershme, transmeton Portalb.mk. Kryetari dhe zëvendëskryetari i vendvotimit është i autorizuar për përdorimin e kësaj pajisje ditën e votimit.
Kryetari i KSHZ-së, Aleksandër Dashtevski paralajmëroi që 1 700 pajisjet që kanë ardhur do të shpërndahen menjëherë nëpër Komisionet Komunale. KSHZ-ja tani në dispozicion ka katër mijë fingerprint për realizimin e procesit të votimit pa problem.
Ndryshe, një qytetar i cili futet në vendvotim më 17 tetor, fillimisht do t’i kontrollohet dokumenti për identifikim personal, identifikimi biometrik i votuesit-fingerprint, kontrollimi dhe nënshkrimi në ekstraktet e Listës së zgjedhësve, dhënia e fletëvotimit dhe faza e fundit është votimi pas paravanit të votimit e futja e fletës së votimit në kuti.
Komisioni sqaroi që në rast se pajisja teknike është e papërdorshme teknikisht dhe nuk mund të zëvendësohet atëherë kontrolli i votuesve bëhet me ndihmën e llambës ultavioletë (UV). Në këto raste duhet të futet në përdorim edhe spërkatësja e gishtit dhe kontrollimi i gishtit të madh-djathtë te votuesit.
- LEXO: Si do të zhvillohet procesi zgjedhor në Maqedoninë e Veriut duke përfshirë fingerprint dhe problemet që mund të shfaqen
- LEXO: Ka arritur dërgesa e tretë e pajisjeve për gjurmë të gishtave, ka filluar trajnimi i këshillave zgjedhorë
- LEXO: Sot zyrtarisht fillon fushata për zgjedhjet lokale
- LEXO: RMV, MPB i dorëzoi deri te KZSH të dhënat dhe shenjat nga gishtërinjtë të qytetarëve