Radev: Të njihet “e vërteta historike”, Bullgarët e Maqedonisë të përfshihen në Kushtetutë

Presidenti bullgar, Rumen Radev në Samitin e BE-së për Ballkanin Perëndimor në Slloveni deklaroi se, përderisa bullgarët në Maqedoni i nënshtrohet asimilimit suptil dhe u shtypen të drejtat themelore në raport me etnitë tjera, Bullgaria nuk do të thotë “po” për fillimin e negociatave me BE-në, transmeton agjencia bullgare BGNES, përcjell Portalb.mk.

Presidenti Radev ka deklaruar gjithashtu se, pret që bullgarët në Maqedoni të përfshihen në Kushtetutën e Maqedonisë së Veriut, ndërsa ka shtuar se, gjithashtu prej që të njihet “e vërteta historike”, siç ka qenë e pranuar “e vërteta historike me Greqinë”.

Sipas tij, kjo nuk është veto dhe as nuk është ndalim i procesit të integrimeve të BE-së në vend, por Bullgaria dëshiron të respektohen principet themelore evropiane dhe interesat e çdo vendi anëtarë të BE-së.

Kryetarja e Komisionit Evropian, Ursula fon der Lajen, e cila gjithashtu mori pjesë në samit, në fillim porositi që shtetet nga Ballkani Perëndimor janë pjesë e familjes evropiane.

“Porosia jonë është se Ballkani Perëndimor e ka vendin në Bashkimin Evropian. Ne nuk dëshirojmë në Bashkimin Evropian. Ju jeni një familje evropiane. Ne ndajmë një histori të njëjtë, vlera të njëjta dhe jam thellë e bindur se ndajmë edhe fat të njëjtë”, deklaroi Lajen në fillim të samitit në Brdo – Kranj.

Në samitin e BE-së në Ballkanin Perëndimor kanë marrë pjesë edhe kryeministri i Maqedonisë së Veriut, Zoran Zaev, ku përveç presidentit bullgar, ka takuar edhe presidentin francez, Emanuel Macron dhe kancelaren gjermane, Angela Merkel.

Kujtojmë se, Bullgaria është kundër pranimit të Maqedonisë së Veriut për shkak të mosmarrëveshjeve historike dhe gjuhësore. Por edhe nëse ka ndonjë marrëveshje, gjendja e keqe pasqyron paralizën e planit të BE -së që të ndërtojë “unazë miqsh” nga Ukraina në Tunizi, duke ofruar lidhje më të ngushta, por edhe tregti dhe ndihmë.

Bullgaria nga fundi i vitit 2020, bllokoi fillimin e negociatave midis Maqedonisë së Veriut dhe BE -së dhe mbajtjen e konferencës së parë ndërqeveritare. Të dy vendet nënshkruan Marrëveshje për Fqinjësi të Mirë në vitin 2017, por përfaqësuesit e të dy vendeve kanë fajësuar njëri -tjetrin për shkeljen e marrëveshjes.

Lajme të ngjashme

Leave a Reply

Your email address will not be published. Required fields are marked *

Back to top button