Para samitit në Bërdo, Merkel dhe Macron do t’i ulin në tryezë Zaevin dhe Radevin

Kryeministri Zoran Zaev dhe presidenti bullgar Rumen Radev janë ftuar nga kancelarja gjermane Angela Merkel në një takim të përbashkët me presidentin francez Emmanuel Macron, njoftoi press-shërbimi i Radevit një ditëpara Samitit të Bashkimit Evropia dhe Ballkanit Perëndimor, i cili duhet të mbahet nesër në Bërdo Kranj, Slloveni, transmeton Portalb.mk.

Gjykuar sipas orarit të takimeve të nesërme, Maqedonia është vendosur në krye të agjendës së liderëve evropianë.

Seanca e parë plenare është nga ora 9:30 (për rimëkëmbjen ekonomike), e dyta – nga ora 11:15 deri në 13:15, më pas vijon konferenca për shtyp. Megjithatë, dy orë përpara, do të mbahen dy takime të ndara të liderëve të BE -së me dy pjesëmarrësit nga Ballkani:

  • nga ora 07:30 eurokomesari për zgjerim Oliver Varheji dhe kreministri slloven Javez Jansha ftojnë Zaevin dhe Radevin në një takim të përbashkët;
  • nga ora 09:00 është takimi ndërmjet Merkelit, Makronit, Radevit dhe Zaevit.

Mediat bullgare theksojnë se kjo i vë Francën dhe Gjermaninë në qendër të përpjekjeve për të zgjidhur një krizë tjetër të BE -së (në bisedime të drejtpërdrejta me homologët e bllokut), e cila filloi me një deklaratë të miratuar nga parlamenti në Sofje në vitin 2019 dhe kulmoi me veto bullgare për fillimin e negociatave midis Maqedonisë së Veriut dhe Bashkimit Evropian. Ky pozicion, i cili bllokoi edhe Shqipërinë, u përsërit në verë në Këshillin për çështje të përgjithshme të BE -së në Bruksel.

Kujtojmë se, Bullgaria është kundër pranimit të Maqedonisë së Veriut për shkak të mosmarrëveshjeve historike dhe gjuhësore. Por edhe nëse ka ndonjë marrëveshje, gjendja e keqe pasqyron paralizën e planit të BE -së që të ndërtojë “unazë miqsh” nga Ukraina në Tunizi, duke ofruar lidhje më të ngushta, por edhe tregti dhe ndihmë.

Bullgaria nga fundi i vitit 2020, bllokoi fillimin e negociatave midis Maqedonisë së Veriut dhe BE -së dhe mbajtjen e konferencës së parë ndërqeveritare. Të dy vendet nënshkruan Marrëveshje për Fqinjësi të Mirë në vitin 2017, por përfaqësuesit e të dy vendeve kanë fajësuar njëri -tjetrin për shkeljen e marrëveshjes.

Lajme të ngjashme

Leave a Reply

Your email address will not be published. Required fields are marked *

Back to top button