Ish-futbollisti i Atletikos dhe Çelsit në telashe, hetohet për krime të ndryshme

Sipas mediave braziliane Diego Costa, ishi i Atleticos së Madridit dhe Chelseat, i cili që nga muaji i kaluar është rikthyer të luajë në Brazil me fanellën e Atletico Mineiro, është nën hetim për pastrim parash, shfrytëzim të basteve dhe pjesëmarrje në shoqatë kriminale, raporton SS.

Në shënjestër të hetuesve kanë përfunduar lidhjet e tij me faqen e basteve Esportenet. Sipas autoriteteve bëhet fjalë për një sistem kriminal të financuar një një futbollist emrin e të cilit nuk e bënë të ditur.

Por ndërkohë sipas medias prestigjioze braziliane Globesporte bëhet fjalë pikërisht për Diego Costën, lajm që gjen konfirmim edhe nga fakti se banesa e tij është kontrolluar nga forcat e rendit në ditët e kaluara.

Nga ana e tyre drejtuesit e Atletico Mineiro, kanë deklaruar në një komunikatë se nuk janë në dijeni të fakteve që kanë të bëjnë me lojtarin e tyre, dhe që mund të kenë ndodhur para se ai të arrinte në klub, por sërish pa përmendur emrin e futbollistit.

Pas përfundimit të kontratës me Atleticon e Madridit në qershor, Diego Costa firmosi në gushtin e kaluar me Atletico Mineiron, kryesuesen e kampionatit Brazilian, duke shënuar që në ndeshjen e parë.

Lajme të ngjashme

Leave a Reply

Your email address will not be published. Required fields are marked *

Back to top button