Pendarovski: Komunitetet më të vogla të marrin trajtim më të mirë se më parë

Presidenti i Maqedonisë së Veriut, Stevo Pendarovski, ka deklaruar se komunitetet më të vogla të marrin trajtim më të mirë se më parë, me kusht që të duam të ndërtojmë një demokraci shumëkombëshe dhe jo demokraci bionacionale, raporton Anadolu Agency (AA).

Me rastin e 30-vjetorit të pavarësisë, Akademia e Shkencave dhe Arteve e Maqedonise (ASHAM) organizoi një tubim shkencor dy-ditor të titulluar “Shteti modern maqedonas – dy etapa në procesin e formimit dhe zhvillimit të tij: 1941-1991 / 1991-2021”.

Në këtë tubim shkencor u adresuan presidenti Pendarovski, ish-presidentët Branko Crvenkovski dhe Gjorge Ivanov, si dhe përfaqësues të kabineteve të presidentëve të parë dhe të dytë të vendit, Kiro Gligorovit dhe Boris Trajkovskit.

Duke folur për periudhën nga viti 1991 e deri më sot, presidenti Pendarovski tha se në atë periudhë ai ishte bashkëkohës i proceseve historike, bashkëpunëtor i ngushtë i dy presidentëve, ndërsa në dhjetë vitet e fundit pjesëmarrës i drejtpërdrejtë në proceset politike.

Pendarovski theksoi se në këto 30 vite të gjithë kemi pasur rastin të dëshmojmë se mbijetesa dhe prosperiteti i shtetit të pavarur maqedonas në një masë të madhe varet nga përfshirja e brendshme e të gjitha komuniteteve etnike.

Ai tha se në këtë pjesë një hap i madh përpara është bërë me Marrëveshjen Kornizë të Ohrit, e cila në kundërshtim me pritjet nuk ka shpërbërë vendin, por përkundrazi ka zvogëluar në mënyrë drastike potencialin e strukturave ekstreme që duan kufij të ri në Ballkan.

“20 vite më vonë, sipas mendimit tim, ka ardhur koha për të ndryshuar paradigmat në lidhje me parimin e përfshirjes dhe atë në dy linja që nuk janë të shkuara në Marrëveshjen e Ohrit, e para përkatësia etnike nuk duhet të jetë kushti i vetëm për punësim dhe e dyta komunitetet më të vogla jo shumë të marrin trajtim shumë më të mirë se më parë, me kusht që të duam të ndërtojmë një demokraci shumëkombëshe, e jo demokraci binacionale”, tha presidenti Pendarovski.

Ish-presidenti Ivanov, i cili foli përmes video-lidhjes, shprehu pikëpamjet e tij kundër Marrëveshjes së Prespës me Greqinë dhe Marrëveshjes së Fqinjësisë së Mirë me Bullgarinë, të cilat ai i konsideron për të “çpersonalizuar atdheun”.

Duke theksuar se ai nuk ishte pjesë dhe as nuk e nënshkroi Marrëveshjen e Prespës, Ivanov tha se marrëveshja me Bullgarinë zgjidh një çështje që do të kënaq vetëm palën bullgare.

“Me marrëveshjen me Bullgarinë, qeveria në Maqedoni dëshiron të zgjidhë një çështje që do të kënaqë vetëm palën bullgare. Ajo që Maqedonia merr në këmbim është poshtërimi i vetes duke zbërthyer historinë e saj pa të cilën ne nuk kemi busull për të ardhmen. Unë paralajmërova se ata do të përpiqen ndaj gjuhës maqedonase, në vend që të mbrohet, gjuha maqedonase është e ekspozuar ndaj sulmeve të kundërshtarëve të cilët duke u përpjekur ta fshijnë ose ta riemërojnë atë, bëjnë presion mbi identitetin maqedonas”, tha ish-presidenti Ivanov.

Ish-presidenti Crvenkovski, nga ana e tij, i bëri thirrje ASHAM-it, odave të tregtisë dhe organizatave të shoqërisë civile që të nisin një iniciativë për një platformë kombëtare, siç tha ai, për të përcaktuar problemet dhe qëllimet kryesore të vendit, me afate të sakta për tejkalimin dhe përmbushjen e tyre, kushte ndaj të cilave do të përmbahen të gjitha subjektet politike.

Duke kritikuar situatën në vend, ai tha se “vendi është i korruptuar, ka një ndarje të thellë të shoqërisë dhe borxhi është i lartë”.

“Së pari, Maqedonia është një vend i korruptuar dhe në një vend të korruptuar nuk ka barazi para ligjit, nuk ka drejtësi, nuk ka besim në gjyqësor. Në një vend të korruptuar nuk ka një ekonomi të drejtë tregu ku vendos cilësia dhe jo lubrifikimi aty ku duhet”, tha ish-presidenti Crvenkovski.

Sipas tij, problemi i dytë është se “Maqedonia është një vend i konfrontuar thellë dhe i ndarë në brendësi, ku partitë nuk shihen si konkurrente, por si armike”.

Ai tha se së treti, “Maqedonia është një vend që jeton me borxh dhe ata që jetojnë me kredi vdesin me këste”.

Zhivko Kondev, këshilltar i ish-presidentit Gligorov, në fjalën e tij përmendi se si Gligorov si presidenti për dy mandate deri në fund të vitit 1999 menaxhoi me sukses marrëdhëniet etnike. Ai po ashtu theksoi se vendi ishte i parë në ish-Jugosllavi që përcolli ushtrinë jugosllave JNA pa asnjë të shtënë dhe asnjë viktimë.

Ndërkaq, profesori Vllado Popovski, si këshilltar i ish-presidentit Trajkovski, tha se Trajkovski ishte i pari që u njoh nga të gjithë qytetarët, partitë politike dhe udhëheqësit fetar e tradicional. Ai theksoi se si president i të gjithë qytetarëve, pavarësisht përkatësisë etnike, “ata të gjithë i besuan atij dhe prisnin që ai t’i ndryshonte gjërat për të mirë në Republikën e Maqedonisë”.