fbpx

Biden premtoi se ShBA-ja do të dhurojë më shumë se një miliard vaksina

Joe Biden njoftoi se Shtetet e Bashkuara do të dhurojnë mbi një miliard kovid-vaksina Pfizer, me qëllim arritjen e imunizimit të 70% të popullsisë së botës vitin e ardhshëm. Kjo është dy herë më shumë sesa njoftimi paraprak i Shteteve të Bashkuara se do të dhurojnë, transmeton Portalb.mk.

“Amerika është e përkushtuar të jetë shtyllë e vaksinimit global”, tha Biden në Nju Jork, ku po merr pjesë në Asamblenë e Përgjithshme të Kombeve të Bashkuara.

Shtetet e Bashkuara deri më tani kanë shpërndarë më shumë se 160 milion doza në më shumë se 100 vende, kurse ky numër do të rritet në 1.1 miliardë vitin e ardhshëm.

Shtëpia e Bardhë njoftoi se Biden do të përdorë samitin e OKB -së për të ushtruar presion mbi udhëheqësit e tjerë botërorë për të kontribuar më shumë në ambicjen për të vaksinuar 70% të popullsisë së botës, ose 70% të popullsisë në secilin vend, deri në takimin e ardhshëm të OKB -së në shtator 2022.

Që nga fillimi i vaksinimit, në të gjithë botën janë aplikuar 5.9 miliardë vaksina, me çka mbulohet vetëm 43% e popullsisë së botës. Sidoqoftë, ndryshimet midis vendeve janë të mëdha, kështu që në disa vende të varfra shkalla e vaksinimit është vetëm 2-3%.

Lajme të ngjashme

Leave a Reply

Your email address will not be published. Required fields are marked *

Back to top button