Shekerinska për vizitë në Gardën kombëtare të Vermontit: Po shqyrtohen mundësitë për trajnimin e kuadrit tonë të mbrojtjes civile dhe shpëtimit
Jemi plotësisht të bindur për përfitimin që ka edhe armata jonë edhe Garda kombëtare e Vermontit nga bashkëpunimi jashtëzakonisht i ndërsjellë. Pas përfundimit me sukses të një numri ushtrimesh të përbashkëta, me padurim presim t’ju urojmë mirëseardhjen anëtarëve të Gardës kombëtare të Vermontit në stërvitjen e ardhshme “Përgjigje e shpejtë 22”, e cila fokusohet në njësitë ajrore, transmeton Portalb.mk.
Kjo u deklarua nga ministrja e Mbrojtjes Radmilla Shekerinska gjatë vizitës në bazën ajrore të Gardës kombëtare të Vermonit, gjatë vizitës disa ditore në Shtetet e Bashkuara.
Në bazë, siç njoftoi sot Ministria e Mbrojtjes, ministrja Shekerinska u informua për kapacitetet e njësive dhe Qendrës së përbashkët operative, duke riafirmuar angazhimin e tyre të ndërsjellë për të vazhduar bashkëpunimin e frytshëm afatgjatë të mbrojtjes midis Maqedonisë së Veriut dhe Vermontit.
Në kontekst të zhvillimeve të fundit me zjarret në vendin tonë, thuhet në deklaratë,e një rëndësie të jashtëzakonshme ishte edhe vizita e delegacionit të Maqedonisë në Qendrën operative për rastee mergjente të Vermontit, ku u shkëmbyen informacione se si të merren me fatkeqësitë natyrore dhe mundësitë për zgjerimin e bashkëpunimit edhe në këtë fushë.
“Një nga çështjet kryesore është se si të zhvillohen aftësitë e armatës që në mënyrë të thjeshtë dhe efektive të mund të përfshihen plotësisht në përpjekjet e institucioneve civile në trajtimin e fatkeqësive natyrore. Ndryshimi i klimës, efektet e të cilës i ndiejmë sot, kërkon organizimin e një sistemi që është gati për koordinim të shpejtë dhe angazhim të shpejtë në terren. Jemi vërtet mirënjohës për ju që ndani përvojat tuaja në trajtimin e zjarreve në pyje”, tha ministrja Shekerinska gjatë vizitës në Qendrën operative.
Siç është njoftuar, sot Shekerinska do të ketë takim me zëvendësguvernatoren e Vermontit, Molly Grey, dhe do të vizitojë edhe plogonin për planifikim dhe operacione.
