Pendarovski dhe Nuredini do të marrin pjesë në Samitin klimatik të liderëve në Gllazgou
Në samitin kyç për ndryshime klimatike do të mbahet prej 31 tetor deri më 12 nëntor në Gllazgou, në të cilin do të marrin pjesë presidenti Stevo Pendarovski dhe ministri i Mjedisit Jetësor dhe Planifikimit Hapësinor, Naser Nuredini, njofton Portalb.mk.
Ata do t’i prezantojnë pozitat e vendit tonë të Samitit klimatik të liderëve në Gllazgou. Bashkënikoqir i konferencës së 26-të për ndryshimet klimatike të Kombeve të Bashkuara do të jenë Mbretëria e Bashkuar dhe Italia.
Në këtë samit duhet që të miratohen plane më ambicioze për mbrojtjen e klimës, gjatë së cilës pritet që qeveritë të obligohen t’i zvogëlojnë grimcat e gazrave serë. Ngjarja do të mbledhë mijëra delegatë, përfshirë edhe presidentë të shtet3eve, ekspertë dhe aktivistë për mbrojtjen e mjedisit jetësor, të cilët do të diskutojnë që t’i koordinojnë të gjitha aktivitetet për luftë kundër ndryshimeve klimatike.
Ndryshe, në fund të korrikut, dy ambasadorët, e Mbretërisë së Bashkuar, Rachell Galloway dhe i Italisë, Andrea Silvestri mbajtën në takim me gazetarët dhe përfaqësuesit e UNDP-së në lidhje me ndryshimet klimatike.
Ambasadorët thanë se jemi në një moment të veçantë në histori, si do të veprojnë në 10 vitet e ardhshme do të përcaktojë rrugën të cilën do të merr planeti ynë në mijëvjeçarin e ardhshëm. Vetëm zhvillimi i shkencës dhe të besuarit në të, mund të na ndihmojë të ballafaqohemi me efektet negative të ndryshimeve klimatike që po i shohim çdo ditë me valë nxehtësie, zjarre masive dhe valë të nxehta të temperaturave
