Besimi ka qenë njëmbëdhjet vjet ushtrues detyre si drejtor i Spitalit të Tetovës, ende nuk e ka dorrëzuar dorëheqjen në ministri

Florin Besimi ka qenë njëmbëdhjetë vjet ushtrues detyre si drejtor i spitalit të Tetovës, i cili më 10 shtator 2021 njoftoi në Facebook se është dorëhequr nga ky post, gjegjësisht dy ditë pas tragjedisë së zjarrit në Spitalin Modular ku trajtoheshin pacientët me Covid-19, në të cilin vdiqën 12 pacientë dhe dy shoqërues të tyre. Ministria e Shëndetësisë thotë se Besimi ende nuk e ka dorëzuar dorëheqjen, shkruan SDK, transmeton Portalb.mk.

Sipas Ligjit për Kujdesin Shëndetësor, ushtrues detyre drejtori mund të jetë në detyrë deri për 6 muaj, ndërsa bordi drejtues i spitalit është i detyruar të shpallë njoftim për zgjedhjen e drejtorit të ri, i cili emërohet nga ministri i shëndetësisë me rekomandimin e Këshillit shëndetësor. Duhet të plotësohen disa kritere për pozicionin e drejtorit të një institucioni shëndetësor publik. Spitali në Tetovë si spital klinik dhe qendër rajonale e lidhur me Fakultetin e Mjekësisë në Tetovë është e rangut më të lartë në sistemin e shëndetit publik.

Herën e fundit për ushtrues detyre, drejtori.Besimi u emërua në maj të këtij viti. Mandati i tij si drejtor mjekësor në detyrë përfundoi në mars. Pas takimit të fundit në maj, si ai, ashtu edhe Artan Etemi, i cili veproi si drejtor organizativ, Ministri i Shëndetësisë i informoi ata me shkrim se Bordi i Drejtorëve të spitalit duhet të shpallë konkurs për drejtorët. SDK zbulon se Besimi për atë detyrë ishte paralajmëruar në disa raste.

Besimi, i cili është gjinekolog në spital, së pari u emërua ushtures detyre si drejtor në dhjetor të vitit 2010, gjatë koalicionit qeveritar të VMRO-DPMNE-së dhe BDI-së kur ishte shef i Departamentit të Gjinekologjisë. Në zgjedhjet parlamentare në korrik të vitit 2020, ai u zgjodh deputet nga radhët e BDI -së, por dha dorëheqje për të shmangur një konflikt të mundshëm interesi në Parlamentin e qeverisë së re, sepse vëllai i tij u propozua Fatmir Besimi si ministër i financave. Në zgjedhjet e vitit të kaluar, ai ishte në vendin e dytë në listën e BDI -së në zonën e gjashtë, menjëherë pas kreut Ali Ahmeti.

SDK i është drejtuar Ministrisë së Shëndetësisë se si është e mundur që Dr. Besimi të emërohet u.d. drejtor për një periudhë të gjatë në mënyrë jo ligjore. Ne nuk morëm përgjigje për pyetjen nëse në këtë periudhë për sa ai është u.d. drejtor, është shpallur konkurs për zgjedhjen e drejtorit dhe pse nuk u zgjodh? Gjithashtu, ata nuk u përgjigjën nëse Ministria ka informacion nëse Dr. Besimi si u.d. ka nënshkruar vendime për pagesa të tarifave për veten për aktivitetet e tij dhe ndërrimet si mjek në spital, pavarësisht nga detyrat e tij si person përgjegjës.

As doktor Besimi nuk u përgjigj në thirrjet telefonike apo mesazhet me tekst nga SDK.

Kujtojmë se të mërkurën rreth orës 21 qendra-kovid në Tetovë u kaplua nga zjarri, ku jetën e humbën 14 persona. Si pasojë e kësaj ngjarje, ministri Filipçe dhe zëvendësi Hasani dhanë dorëheqje nga funksionet e tyre, së bashku me dy drejtorët e Spitalit të Tetovës, Artan Etemin dhe Florin Besimi.

Lajme të ngjashme

Leave a Reply

Your email address will not be published. Required fields are marked *

Back to top button