Kosovë, katërmbëdhjetë viktima nga Covid-19
Ministria e Shëndetësisë së Kosovës njofton se në 24 orët e fundit janë regjistruar 259 raste të reja me Covid-19 nga 5,505 testime të kryera, 14 pacientë humbën jetën ndërsa numri i rasteve aktive është 17,000, transmeton Portalb.mk.
Sot u regjistruan 870 pacientë të shëruar, ndërsa deri sot në ora 15 në Kosovë janë vaksinuar plotësisht 365,419 qytetarë.
Në përpjekje për të frenuar përhapjen e koronavirusit, Ministria e Shëndetësisë e Kosovës shpalli një ditë më herët masa të reja, që përfshijnë pezullimin e procesit mësimor deri më 26 shtator.
