Drejtori i Spitalit të Tetovës nuk dha detaje për tragjedinë: Presim organet kompetente të zbardhin rastin
Drejtori i Spitalit Klinik të Tetovës, Florin Besimi, ka deklaruar sot për mediat se pacientët që u zhvendosën nga spitali modularë në spitalin klinik, janë në gjendje stabile dhe po u ofrohet kujdes shëndetësor në vazhdimësi, transmeton Portalb.mk.
“Dua të njoftojë opinionin se pacientët të cilët arritëm t’i shpëtojmë janë të gjithë në gjendje stabile dhe vazhdojnë të trajtohen në Spitalin Klinik të Tetovës. Stafi i Spitalit Klinik së bashku me të gjithë ekipet që janë këtu vazhdon të kujdeset për qytetarët, të japin shërbimet shëndetësore, në mesin e tyre janë edhe 70 pacientë covid pozitiv, në asnjë moment nuk ka ardhur deri te ndërprerja e kujdesit ndaj tyre, në vazhdimësi kanë marrë tretmanë dhe terapia vazhdon”, tha Besimi.
Ai nuk ka dashur të ndaj me media detaje rreth zjarrit që përfshiu dje spitalin modular në Tetovë, si pasojë e të cilit mbetën të vdekur 14 persona.
“Ne jemi në pritje të zbardhjes së situatës, dmth e presim nga organet kompetente dhe shpresojmë se sa më shpejt do të zbardhet rasti. Për momentin, të gjithë që u zhvendosën nga spitali modularë janë vendosur në reparte të tjera, të cilët paraprakisht i trajtonin pacientët dhe i kemi përgatitur për kovid pacientët. Do t’ia lëmë organeve të drejtësisë ta shohim ngjarjen. Janë organet kompetente. Kemi përgjegjës që është për organizimin e mbrojtjes kundër zjarreve, kështu që atë do t’ia lëmë organeve të drejtësisë të dalin detajisht”, tha ai.
I pyetur rreth parregullsive të spitalit modular, për të cilat kanë qarkulluar informacione nëpër media, ai ka hedhur përgjegjësinë mbi Ministrinë e Shëndetësisë, duke thënë se ato janë ndërtuar nga kjo ministri.
“Spitalet modulare janë të ndërtuara nga Ministria e Shëndetësisë dhe për çdo detaj se si është ndërtuar do t’i drejtoheni Ministrisë së Shëndetësisë”, tha Besimi.
I pyetur se, a janë mirëmbajtur bombolat e oksigjenit në vazhdimësi ai tha:
“Kemi komisionet teknike, kemi inspektoratin teknik, kemi të gjithë dokumentacionin dhe ato janë të gjithë të dorëzuar, dokumentacionin që ka kërkuar prokuroria dhe organet e drejtësisë i kanë në dorë ato”, theksoi drejtori i spitalit të Tetovës.
- LEXO: Avokati i Popullit për tragjedinë në Tetovë: vetëm një hetim efektiv do të dëshmojë se funksionon shteti i së drejtës
- LEXO: Dëshmia e një vajze nga Tetova: zjarri mund të jetë shkaktuar nga defibrilatori me të cilin mjekët përpiqeshin të reanimonin një paciente
- LEXO: Një ditë pas tmerrit në Spitalin Modular për Kovid- Tetovë (FOTO)
- LEXO: Janë anuluar më shumë ngjarje për shkak të tragjedisë në Tetovë
- LEXO: Kryqi i Kuq ofron ndihmë financiare për familjet e viktimave në Tetovë
- LEXO: Krerët e BE-së dhe rajonit shprehin ngushëllime për viktimat në Tetovë
- LEXO: Zjarrfikësi Aliti: Në të njëjtën kohë mundoheshim të shuajmë zjarrin dhe të evakuojmë njerëzit
- LEXO: RMV, 3 ditë zie për tragjedinë në Tetovë, ekspertë të huaj do të hetojnë shkaqet e zjarrit
- LEXO: Ambasadorët Galloway dhe Geer kanë shprehur ngushëllime për viktimat në tragjedinë në Tetovë
- LEXO: Numri i viktimave nga zjarri në Tetovë është rritur në 14
- LEXO: Tetovë, zjarr në spitalin Kovid-19, u konfirmuan 14 të vdekur, zyrtarët nuk dhanë detaje (VIDEO)