fbpx

Rusia po ndërton qytetin e ri Sputnik

Sot Ministria e Zhvillimit të Lindjes së Largët njoftoi se presidenti rus Vladimir Putin nënshkroi një marrëveshje për ndërtimin e një qyteti të ri të Sputnik, transmeton Portalb.mk.

Putin e nënshkroi planin gjatë një forumi ekonomik në Vladivostok, një qytet në lindjen e largët të vendit. Sputnik duhet të jetë rreth 30 kilometra larg Vladivostok, i cili është më shumë se 2,000 kilometra larg nga Kina. Planet parashikojnë që do të bëhet një qendër industriale ku 300,000 njerëz do të jetojnë një ditë.

Sputnik, i cili përkthehet nga rusishtja si “shoqërues”, është emri i satelitit të parë artificial të vendit të lëshuar nga Bashkimi Sovjetik në 1957, i cili shkaktoi shqetësim në Shtetet e Bashkuara, të cilat ishin në një “garë hapësinore” me BRSS si pjesë e Luftës së Ftohtë.

Verën e kaluar, Rusia u bë vendi i parë që bëri një vaksinë kundër kovid-19, dhe e quajti atë Sputnik V, si pjesë e asaj fitoreje në garën hapësinore.Vaksina deri më tani është miratuar në 70 vende.

Para nënshkrimit të marrëveshjes për ndërtimin e qytetit të ri, Ministri i Mbrojtjes, Sergei Shoigu, mbrojti ndërtimin e disa qyteteve të reja në Siberinë Lindore, në mënyrë që ta bëjnë rajonin e largët më tërheqës për banorët e Rusisë.

Ndryshe, rusët çdo ditë e më shumë po lëvizin në Moskë, qytet ky i cili ka infrastrukturë më të mirë se çdo qytet tjetër dhe më shumë mundësi punësimi.

 

Lajme të ngjashme

Leave a Reply

Your email address will not be published. Required fields are marked *

Back to top button