Panel diskutim për shërbime më të mira digjitale të krijuara për qytetarët

Fondacioni për Lirinë “Fridrih Nauman” (Friedrich Naumann), Fondacioni për Internet dhe Shoqëri “Metamorfozis” dhe Instituti për Shkenca Sociale dhe Humanitare – Shkup (ISHSHH), nesër në orën 10, në hotelin “Aleksandar Palas” do të mbajnë një panel diskutimi “Ofrimi i shërbimeve digjitale të krijuara për qytetarët”. Ngjarja gjithashtu mund të ndiqet edhe nëpërmjet Zoom-it.

Ngjarja organizohet në sinergji me projektet e mbështetura nga Fondacioni Fridrih Nauman, “Metamorfozis” dhe ISHSHH. Ai do të kontribuojë në një debat publik dhe ekspert mbi mundësitë për digjitalizimin e vërtetë të shërbimeve, të ofruara nga administrata publike në nivel qendror dhe lokal në Maqedoninë e Veriut dhe do të shërbejë si burim i njohurive kryesore dhe eksperte për palët e interesuara. Do të marrin pjesë zyrtarë qeveritarë dhe ekspertë të shoqërisë civile.

Programi i ngjarjes përbëhet nga prezantimi i shkurtër i dy hulumtimeve, gjegjësisht “Analiza e shërbimeve elektronike në komunat në Republikës së Maqedonisë së Veriut” të përgatitura nga Fondacioni Metamorfozis, dhe “Digjitalizimi si rrugë për administratë të mirëfilltë të orientuar kah qytetarëve: decentralizimi i proceseve si mjet i reformës së përshpejtuar dhe efektive” i përgatitur nga Instituti i Shkencave Sociale dhe Humanitare, pas çka do të ketë diskutim mbi ofrimin e shërbimeve digjitale të krijuara për qytetarët.

Ngjarja është e hapur dhe pritet të marrin pjesë nga përfaqësues të institucioneve, organizatave të shoqërisë civile, media dhe aktorë të tjerë. Gjuha e punës e ngjarjes është maqedonishtja, me përkthim në shqip dhe anglisht.

Lajme të ngjashme

Leave a Reply

Your email address will not be published. Required fields are marked *

Back to top button