Pas shumë zvarritjeve, Komuna e Tetovës e asfaltoi rrugën “116”
Pas disa lajmeve të Portalb.mk dhe pas shumë zvarritjeve të punëve për një kohë të gjatë, më në fund ka përfunduar asfaltimi i rrugës “116” në Tetovë. Komuna e Tetovës vazhdimisht, ka pasur arsyetime të ndryshme për mos-kryerjen e punëve në kohë në këtë rrugë. Edhe pse sipas kontratës kjo rrugë duhej të përfundonte në fund të korrikut, kjo e fundit ka përfunduar ditën e djeshme, shkruan Portalb.mk.
Vetëm dy muaj përpara zgjedhjeve lokale që do të mbahen në tetor, në Tetovë mbaroi asfaltimi I rrugës “116”, që ishte premtim nga kryetarja e Komunës së Tetovës, Teuta Arifit, por për realizimin e këtij projekti ka pasur zvarritje të punëve dhe Portalb.mk gjithmonë ka raportuar për këtë problem.
Për këtë ka njoftuar vetë kryetarja e Komunës së Tetovës, Teuta Arifi në Facebookun e saj.
“Mbaroi asfaltimi i rrugës “116” në Tetovë. Paralelisht realizuam edhe kanalizimin atmosferik në gjatësi prej 230 metra. Vlera e përgjithshme e projektit është 4.2 milion denarë”, shkroi Arifi në Fcebook.
Rikujtojmë që gjendja e kësaj lagjeje ka qenë shumë e keqe, plot me gropa dhe rrugica të pakalueshme, kjo për shkak se e njëjta nuk është asfaltuar me dekada edhe pse një gjë e tillë vazhdimisht ju është premtuar banorëve gjatë fushatave parazgjedhore.
Kështu ka qenë gjendja e kësaj rruge para rikonstruimit të saj:
Edhe pse kontrata ishte nënshkruar, punët për rikonstruimin e kësaj lagje vazhdimisht janë zvarritur
Në nëntor të vitit të kaluar, nga Komuna e Tetovës u shprehën se plani i tyre për rrugën “116” ishte që të fillojnë punët për asfaltimin dhe rikonstruimin të fillojnë në mars të këtij viti.
“Në mars planifikohet të fillojnë punimet, tash është duke u realizuar programi i infrastrukturës” deklaruan nga Komuna e Tetovës më datë 24 nëntor.
Mirëpo, punët nuk filluan gjatë kësaj periudhe të paraparë. Pas kësaj, rikonstruimi i lagjes “116” në Tetovë u premtua edhe në prill të vitit 2021, atëherë nga Komuna e Tetovës na siguruan se punët do të fillonin me datë 24 prill, kjo nuk ndodhi.
“Po, punët për rikonstruimin e rrugës “116” në Tetovë do të fillojnë të shtunën” tha Armend Fazliu, zëdhënës i Komunës së Tetovës me datë 22 prill, 2021.
Sidoqoftë, punët nuk filluan as gjatë kësaj kohe. Të njëjtat kane filluar gjatë mesit të muajit maj, kurse arsyetimet e autoriteteve komunale vazhdimisht kanë qenë të ndryshme.
LEXO: Tetovë, pas zvarritjes të punëve për një kohë të gjatë, ka filluar rikonstruimi i rrugës “116”
Hera e fundit kur është shtruar me asfalt rruga “116” në Tetovë ka qenë para pavarësisë së Maqedonisë (1991), ajo aktualisht është në gjendje të tmerrshme.
Banorët e kësaj lagje disa here me radhë kanë kërkuar nga institucionet kompetente që ta rregullojnë të njëjtën, mirëpo kërkesat e tyre nuk janë përfillur. Në nëntor të vitit të kaluar, banorët e kësaj lagje formuluan një kërkesë në të cilën nënshkrues ishin mbi 200 banorë të lagjes, me anë të së cilës kërkuan nga Komuna e Tetovës rikonstruimin e rrugës në mënyrë urgjente.
Megjithatë, përgjigjen nga Komuna e Tetovës këta banorë e morën me 1 vit vonesë nga ku edhe ua kishin dërguar kontratën e komunës me kompaninë për rikonstruimin e kësaj lagje.
- LEXO: Tetovë, pas zvarritjes të punëve për një kohë të gjatë, ka filluar rikonstruimi i rrugës “116”
- LEXO: Tetovë: Banorët me vite kërkojnë nga Komuna asfaltimin e rrugës, me vetëfinancim s’mund të bëjnë shumë (FOTO)
- LEXO: Tetovë, Komuna ende nuk ka paraparë mjete për rregullim të rrugës “116”
- LEXO: Tetovë, edhe pse janë ndarë 2,5 milion denarë, punimet për rrugën “116” assesi të fillojnë
- LEXO: Tetovë, 4 muaj nga nënshkrimi i kontratës prej 40 mijë eurove për rrugën “116”, punët assesi të fillojnë
- LEXO: Komuna e Tetovës nuk e mbajti fjalën për rikonstruimin e rrugës “116”, arsyetimet vazhdimisht ndryshojnë
