Gjermani, planifikohen masa të reja kundër COVID-19
Në Gjermani planifikohet të zbatohen disa rregulla të reja në luftën kundër koronavirusit të ri (COVID-19), transmeton Anadolu Agency (AA).
Sipas tekstit të një dokumenti të përgatitur nga qeveria gjermane i publikuar në shtypin gjerman, vështirësohet edhe më shumë jetesa ditore e atyre që nuk janë vaksinuar kundër virusit.
Me rregullat e reja të përmbledhura si 3G, do të vendoset kushti i testit për hyrjet në të gjitha ambientet e mbyllura për të pavaksinuarit në vend.
Teksa të vaksinuarit ose ata që e kanë kaluar sëmundjen do të mund të hynë pa problem në ambientet e mbyllura, thuhet se të pa vaksinuarit ose ato që nuk e kanë kaluar sëmundjen do të jetë i detyrueshëm testi.
Gjithashtu që nga muaji tetor, të rriturit që nuk janë vaksinuar nuk do të mund të përfitojnë nga testet pa pagesë për COVID-19. Do të duhet që këto persona t’i paguajnë vetë pagesat për testin.
Do të vazhdohet të ofrohet testi pa pagesë për COVID-19 vetëm për personat që nuk janë vaksinuar për shkak të kushteve shëndetësore, për gratë shtatzëna, fëmijët dhe të rinjtë nën moshën 18-vjeçare.
Ndërkohë do të vazhdohet detyrimi për vendosjen e maskave në ambientet e mbyllura dhe në mjetet e transportit publik.
Rregullat në fjalë pritet që të njoftohet për opinionin publik pas takimit që kancelarja gjermane, Angela Merkel, do të mbajë sot me kryeministrat e 16 rajoneve.
LEXO: Samiti i Coronës në Gjermani do t’u jep fund testeve falas