Paraburgim për 26 vjeçarin nga Shkupi pasi në shtëpinë e tij u gjetën municion që është e ndaluar për qytetarët
Prokuroria ka kërkuar paraburgim për 26 vjeçarin nga Çairi i Shkupit si i dyshuar për armëmbajtje pa leje, transmeton Portalb.mk.
Armëmbajtja pa leje, si dhe përpunimi dhe shitja e tyre është e dënueshme si vepër penale në bazë të nenit 296, paragrafi 2 në lidhje me paragrafit 1 nga Kodi Penal.
“I dyshuari 26 vjeçar, në shtëpinë e tij në rrugën “Brigada maqedonase-kosovare” në Shkup, pa autorizim ka mbajtur municion i cili te qytetarët është i ndaluar – 62 plumba të kalibrit të ndryshëm”, raportojnë nga Prokuroria Themelore Publike, duke kërkuar nga Gjykata Penale edhe paraburgimin e tij si një masë sigurie.
Raportohet se municioni është gjetur gjatë bastisjes së shtëpisë së tij një natë më herët.