fbpx

RMV, Platforma e organizatave qytetare për luftimin e korrupsionit: ligji për ndërtimin e autostradave minon themelet e sundimit të ligjit

Me vendimin për miratimin e një ligji të përshtatur posaçërisht për ndërtimin e autostradave me partnerin strategjik Bechtel dhe Enka minon themelet e sundimit të ligjit. Në një situatë ku tashmë janë krijuar mënyra për të bërë investime të tilla, përmes prokurimit publik ose partneritetit publik-privat, të cilat sigurojnë konkurrencë, miratimi i një ligji të përshtatur do të thotë që përfitimi i investitorit është më i rëndësishëm sesa interesi publik, thonë nga Platforma e organizatave qytetare për luftimin e korrupsionit, transmeton Portalb.mk.

Njëkohësisht, një investimi të tillë nga shteti i mungojnë analizat që do të shpjegojnë nevojën reale për ndërtim, detaje dhe analiza të përfitimeve dhe kostove të ndërtimit, në mënyrë që qytetarët të përfitojnë sa më shumë për denarin që kanë investuar si tatimpagues.

Platforma u kujton institucioneve se fillimi i luftës kundër korrupsionit është vullneti politik. Ajo nuk konsiston vetëm në mbështetjen e institucioneve përgjegjëse kryesore për luftën kundër korrupsionit. Vullneti politik nënkupton edhe veprimin e vet, në kompetencat e tij i cili bazohet në parimet e paanshmërisë, ligjshmërisë dhe transparencës. Fatkeqësisht, ky dhe shembuj të ngjashëm minojnë atë që është arritur deri më tani dhe minojnë besimin e qytetarëve në institucione. Në mënyrë shtesë, dëmtojnë reputacionin e partnerëve ndërkombëtarë dhe do të ndikojnë në vlerësimet në raportet e vendit.

Platforma u kërkon zyrtarëve qeveritarë të japin shembull në luftën kundër korrupsionit, dhe jo rrezik.

Lajme të ngjashme

Leave a Reply

Your email address will not be published. Required fields are marked *

Back to top button