fbpx

Situata me zjarrin në Koçan kritike, janë djegur disa shtëpi, Pendarovski: Bullgaria do të dërgojë njësi të zjarrfikësve

Situata me zjarrin në Koçan është kritike, janë djegur disa shtëpi, zjarri ka zbritur në qytet, tha drejtori i Qendrës për Menaxhim me Kriza, Stojançe Angellov. Ai tha se në terren përkrah brigadave të zjarrfikësve janë edhe ekipet e Drejtorisë për Mbrojtje dhe Shpëtim, ndërsa janë dërguar edhe ushtarë të Armatës, transmeton Portalb.mk.

“Zjarri në Koça ka shpërthyer pasdite, ndërsa era është shkaku për përhapjen e tij të shpejtë. Po digjet pylli i thatë”, tha Angellov.

Kryetari i Qytetit të Shkupit, informoi se në Koçan kanë mbërritur edhe 15 zjarrfikës me tre automjete nga Brigada e Zjarrfikësve të Shkupit.

”Zjarrfikësit e Shkupit në Koçan. Zjarri momentalisht është lokalizuar dhe është vënë nën kontroll! Zjarrfikësit qëndrojnë tërë natën që të parandalohet përhapje e sërishme e zjarrit”, informoi ai.

Ndërkaq, presidenti Stevo Pendarovski nëpërmjet një postimi në profilin e tij në Facebook, tha se helikopterat e armatës nuk kanë mundësi ta shuajnë zjarrin në kushte të natës.

“Dua ta informoj opinionin se helikopterët nuk kanë mundësi teknike të fluturoj në kushte të natës. Kjo është arsyeja e vetmë për të cilën në shuarjen e zjarrit do të kyçen në orët e hershme të mëngjesit”, ka shkruar ai.

Më pas, në një postim tjetër ai ka informuar se, ka zhvilluar një bisedë telefonike me homologun e tij bullgar, Rumen Radev të cilit i ka kërkuar ndihmë për shuarjen e zjarrit.

“Sonte vonë kam pasut bisedë telefonike me presidentin e Bullgarisë, Rumen Radev. Është dakorduar që në afat sa më të shkurtër kohor, Bullgaria të dërgojë njësi të zjarrfikësve të cilët do t’i ndihmojmë ekipeve tona në shuarjen e zjarrit”, informoi Pendarovski.

Zjarr ka edhe në Staro Nagoripane, Makedonski Brod dhe Vallandovë. Edhe aty zjarret nul janë vënë në kontroll për shkak të erës e cila fryn çdo ditë dhe të temperaturave të larta.

Zjarret sot janë shuar vetëm me një helikopter të Armata, sepse tre avionëvë të Drejtorisë për Mbrojtje dhe Shpëtim nuk u është bërë servis. Numri një i kësaj drejtorie, Bekim Maksuti tha se një njësi shtesë e zjarrfikësve është nisur pë Koçan, ndërsa u ka bërë thirrje qytetarëve që vullnetarisht të kyçen në vendet ku është e domosdoshme dhe ta informojnë këtë drejtori për zjarre në gjithë territorin e shtetit.

This slideshow requires JavaScript.

Lajme të ngjashme

Leave a Reply

Your email address will not be published. Required fields are marked *

Back to top button