fbpx

Shkencëtarët amerikanë pretendojnë se Kina po ndërton një bazë raketash bërthamore

Shkencëtarët amerikanë pretenduan se Kina ka krijuar një bazë në perëndim të vendit ku mbahen raketa bërthamore, transmeton Anadolu Agency (AA).

Bazuar në raportin e Federatës së Shkencëtarëve Amerikanë të (FAS), në lajmin e BBC-së thuhet se fusha e raketave bërthamore me rreth 110 njësi silosi, është në ndërtim e sipër, sipas imazheve satelitore nga provinca Xinjiang e Kinës.

Kjo thuhet se është fusha e dytë e tillë e ndërtuar në Kinën perëndimore në dy muajt e fundit.

Gazeta Washington Post muajin e kaluar njoftoi se 120 njësi silosi u panë në fushën e shkretëtirës në rajonin Yumen të provincës Gansu.

Sipas raportit të FAS, deponia e re në rajonin Hami, e vendosur afërsisht 380 kilometra në veriperëndim të Yumen-it, është në ndërtim e sipër.

Teksa SHBA-ja dhe Rusia po përgatiten për negociata mbi kufizimin e armatimit global, Kina deri më tani nuk ka marrë pjesë në negociata për kontrollin e armëve.

Komanda e Forcave Strategjike të Departamentit të Mbrojtjes të SHBA-së shprehu shqetësimet e saj në lidhje me raportin në postimin e tyre në Twitter.

Pentagoni vitin e kaluar njoftoi se Kina ka një rezervë prej më shumë se 200 koka bërthamore dhe synon të paktën dyfishimin e tyre.

Gjithashtu thuhet se SHBA-ja ka rreth 3.800 koka bërthamore.

Lajme të ngjashme

Leave a Reply

Your email address will not be published. Required fields are marked *

Back to top button