BE-ja do të mbjellë 3 miliardë drunj të rinj deri në vitin 2030 me qëllim që të zvogëlojë emetimet e gazrave serrë

Komisioni Evropian në mes të korrikut të këtij viti shpalli Strategjinë më të re për pyjet në Bashkimin Evropian (BE) deri në vitin 2030, me të cilën planifikohen të mbillen 3 miliardë drunj të rinj në territorin e saj në dy dekadat e ardhshme. Drunjt janë thithësi kryesor i dioksidit të dëmshëm të karbonit, përmes procesit të fotosintezës, dhe kështu dot kontribuojnë drejtpërdrejt në zvogëlimin e ndryshimeve klimatike, transmeton Portalb.mk.

Në dokumenti strategjik të publikuar të BE -së thuhet se aktualisht përqindja e zonave pyjore dhe pyjeve është 43.5% e sipërfaqes së përgjithshme të të gjitha shteteve anëtare, ndërsa drinjt janë faktor vendimtar për ruajtjen e shëndetit të qytetarëve të BE -së.

“Pyjet janë aleati natyror në përshtatjen dhe luftimin e ndryshimeve klimatike dhe do të luajnë rol kyç në bërjen e Evropës kontinentin e parë neutral ndaj klimës deri në vitin 2050”, thuhet në Strategjinë për pyje të Bashkimit Evropian.

Në dokument shtohet se mbjellja e drunjëve të rinj do të ndihmojë në arritjen e zvogëlimit të planifikuar të emetimeve të gazeve serë me të paktën 55% në vitin 2030. Plani ambicioz i BE-së është që të përdorë burimet ekzistuese pyjore dhe të mbjellë pemë të reja, së bashku me masat e tjera të planifikuara, për të arritur qëllimin e caktuar – eduktim prej 310 milion ton dioksid karboni të lëshuar në atmosferë.

Emetimet e gazeve serë kontribuojnë në rritjen e temperaturave mesatare të ajrit, e cila nga ana e tij çon në thatësira, katastrofa të motit dhe dëme të mëdha të matura në viktimat njerëzore dhe humbje financiare. Ndryshe nga sektorët e tjerë (proceset industriale, energjia, bujqësia dhe mbeturinat), vetëm pylltaria është sektor i cili, nëse pyjet nuk shkatërrohen, kontribuon në zvogëlimin e emetimeve totale të dioksidit të karbonit në atmosferë.

Lajme të ngjashme

Leave a Reply

Your email address will not be published. Required fields are marked *

Back to top button