fbpx

RMV, Komisioni parlamentar për çështje evropiane i dha dritë të gjelbër Ligjit për nënshtetësi

Ligji për nënshtetësi, pas dy ditë diskutimi, ka kaluar në Komisionin për Çështje Evropiane me flamur evropian. Komisioni nuk pranoi asnjë nga amendamentet e opozitës maqedonase, të cilët kishin dorëzuar mbi 1000 amendamente, transmeton Portalb.mk.

Kryetari i komisionit, Arbër Ademi tha për agjencinë MIA dje  pas mbarimit të seancës së djeshme se, amendamentet janë shqyrtuar dhe asnjë nuk është pranuar dhe nuk është miratuar nga ana e anëtarëve të komisionit.

“Përfundoi edhe dita e dytë me shqyrtimin e të gjitha amendamenteve. Edhe pse në fillim dhe në ditën e parë dhe sot në ditën e dytë të diskutimit për propozim ligjin kishte shumë intervenime procedurale nga ana e deputetëve të opozitës. Në fund, me shumicë votash u miratuan vendimet nga ana e komisionit”, potencoi Ademi.

Ligji për nënshtetësi tani kthehet në seancë plenare për votim.

Ndryshimet e propozuara në Ligjin për nënshtetësi, parashohin lehtësim të procedurës për nxjerrjen e këtij dokumenti. Qytetarët të cilët kanë pasur probleme me nxjerrjen e nënshtetësisë, tani mund ta marrin atë duke paraqitur si dëshmi një dokument, si psh faturë të rrymës, të ujit, dokument nga kontrolli në mjek, librezë kursimi etj,.

Lajme të ngjashme

Leave a Reply

Your email address will not be published. Required fields are marked *

Back to top button