Ka ndryshuar BDI, thotë Zaev i cili para 5 viteve e quante pjesë të regjimit dhe të zhytur në korrupsion
Kryeministri Zoran Zaev vlerëson se partia BDI ka bërë ndryshime të dukshme dhe për atë, ashtu siç tha, janë në koalicion i cili fiton dhe do të garojnë bashkë në zgjedhjet lokale. Në pyetje gazetareske se pse e mbështet BDI-në, edhe pse me vite ka thënë se janë pjesë e regjimit, Zaev tha se ai që fiton duhet që të qëndrojë në koalicion, njofton Portalb.mk.
“Ne jemi koalicion qendror, në Parlament, Qeveri dhe në komuna. Dhe funksionojmë. Një pjesë e madhe e ndryshimeve në BDI që kanë ndodhur në tërë këtë periudhë janë të dukshme, një pjesë për veten e tyre, një pjesë atë që janë partnerë me LSDM-në dhe me partnerë tjerë të koalicionit dhe definitivisht pragmatizmin në koalicione e bëjmë për shkak të udhëzimeve nga vetë qytetarët. Ai që fiton, arrin të realizojë dhet të mbetet në ofertën e përbashkët dhe për atë bashkë do të garojmë. Thash, kryesisht në raundin e parë ku është e mundshme, diku në raundin e dytë, a diku mund të ndodh që LSDM dhe BDI të kenë kandidat të përbashkët edhe në rrethine dytë. Kështu që, koalicionet do të bëhen edhe pas mbarimit të zgjedhjeve. Njëkohësisht, koalicionin e rrumbullakojmë edhe me BESË-n edhe me PDSH-në, por edhe me partitë tjera të partnerëve të koalicionit. Po bëjmë një koalicion të bukur multietnik”, tha Zaev.
Por, çfarë kishte deklaruar 5 vite më parë Zoran Zaev, kur asokohe ishte në opozitë, ndërkaq BDI-ja në pushtet me VMRO-DPMNE-në e Nikolla Gruevskit?
Në qershor të vitit 2015-të, kur LSDM-ja vazhdonte me publikimin e materialeve të përgjuara, t ë ashtuquajtura “bomba”, Zoran Zaev, një “palë” biseda i quajti “fytyra e vërtetë e BDI-së”. Ai akuzoi se funksionarët e BDI-së janë të zhytur në korrupsion.
Madje, asokohe Zaev ka deklaruar se BDI nuk del nga koalicioni me VMRO-në sepse kreu i kësaj partie (Ali Ahmeti) është zhytur në korrupsion.
