RMV, u miratua ligji për ndërtimin e autostradave pa tender

Këtë pasdite, Parlamenti miratoi Ligjin për Përcaktimin e Interesit Publik dhe Emërimin e Partnerit Strategjik për Zbatimin e Projektit për Ndërtimin e Korridorit 8 të Infrastrukturës (seksioni: Tetovë – Gostivar – Bukojcani dhe projektin për autostradën Trebenishtë – Strugë – Qafë Thanë) dhe Korridorin 10 D (pjesa e autostradës Prilep – Manastir) në Republikën e Maqedonisë së Veriut, me procedurë përmbledhëse, transmeton Portalb.mk.

Ligji, i propozuar nga Jovan Mitrevski, Arbër Ademi, Kastriot Rexhepi dhe Surija Rashidi, duhet të mundësojë zbatimin e Memorandumit të nënshkruar nga Qeveria me kompaninë “Bechtel dhe Enka” si një investitor strategjik për ndërtimin e autostradave Tetovë – Gostivar, Strugë – Qafë Thanë. Si dhe Prilep – Manastir. Ai parashikon ndërtimin për herë të parë përmes një modeli të ri pa shpallur një tender, i cili qeveria siguron se do të japë rezultatet më të shpejta dhe më optimale në ndërtimin e rrjetit rrugor.

Zgjidhjet ligjore të propozuara rregullojnë projektin dhe ndërtimin e infrastrukturës së Korridorit 8 dhe projektin dhe ndërtimin e infrastrukturës së Korridorit 10, si projekte individuale për investime kapitale me rëndësi strategjike kombëtare për vendin.

Gjatë debatit, deputeti nga VMRO-DPMNE Vlado Misajlovski kërkoi që ligji të tërhiqet, sepse sipas tij shumë gjëra duhet të përmirësohen dhe se me një përmbajtje të tillë do të shkaktojë shumë probleme në zbatimin e projekteve.

Ndryshe, Platforma e organizatave të shoqërisë civile për luftë kundër korrupsionit ka shprehur shqetësim për nivelin e ulët të transparencës së procesit me të cilin Qeveria e RMV-së e rregullon ndërtimin e pjesëve të autostradave të korridoreve 8 dhe 10.

Për këtë çështje ka reaguar edhe Komisioni për Antikorrupsion.

• LEXO: Anti-korrupsioni kundër projektligjit për ndërtimin pa tender të autostradave nga Korridoret 8 dhe 10
  
• LEXO: Në Kuvend është dorëzuar ligji për nominimin e partnerit strategjik për ndërtimin e autostradave të Korridoreve 9 dhe 10d
• LEXO: Çfarë përmban Memorandumi i Qeverisë me “Bechtel dhe Enka” për ndërtimin e autostradave?
• LEXO: Platforma anti-korrupsion: Ndërtimi i autostradave në Korridoret 8 dhe 10 të bëhet përmes një procesi transparent
• LEXO: Zaev pret që deri në fillim të qershorit të përgatitet projekt-vendimi për ndërtimin e Korridoreve 8 dhe 10D