Një çiklist është përplasur nga makina, në mes të Shkupit, MPB nuk shkruan gjoba për uzurpimin e infrastrukturës së biçikletave

Në vendkalim për këmbësorë në qendër të Shkupit, në bulevardin Koço Racin, dje çiklisti B.Ll. (54) pasi u përplas nga një automjet pasagjerësh “Opel Corsa”, me targa të Shkupit, i drejtuar nga ES (20) nga fshati Batinci, thuhet në buletinin e MPB-së. Pas përplasjes, çiklisti u dërgua në Spitalin e përgjithshëm të qytetit “Sh. Naumi i Ohrit ”, ku është konstatuar vdekja, shkruan Meta.mk, transmeton Portalb.mk.

Shkelja e çiklistit dje, nuk është i rasti i vetëm në buletinin e MPB-së gjatë kësaj periudhe. Vetëm dy ditë më parë, në rrugën Gostivar-Kërçovë, u vra një çiklist 66-vjeçar nga fshati Vrapçisht i Gostivarit, kur një automjet pasagjerësh e ka goditur atë dhe është largua nga vendi i përplasjes. Buletinet e policisë përmbajnë pothuajse çdo ditë aksidente trafiku, ku ka të përfshirë çiklistë.

Sidoqoftë, ajo që është karakteristikë për bulevardin Koço Racin është se ai u rikonstruktua nga Qyteti i Shkupit, duke i ngushtuar korsitë për automjete për të mundësuar shteg biçikletash. Korsitë e ngushtuara duhej të qetësonin trafikun e makinave, por është e qartë se çoroditja e shoferëve nuk ka fund. Në këtë, si dhe në rrugët e tjera të rikonstruktuara, automjetet parkohen në shtigjet e biçikletave, shtyllat thyhen dhe hiqen nga shtigjet dhe makinat drejtohen shumë shpejt.

Nga iniciative “Në Biçikleta” pas përplasjes së djeshme të çiklistit në qendër të Shkupit thonë se ata dëshirojnë që kryetari i Qytetit të Shkupit pas çdo jete të humbur në trafik të shpallë një masë të re, më radikale që do të garantojë siguri më të madhe. Ata kërkojnë nga MPB ndryshim më radikal të Ligjit për sigurinë në komunikacion dhe veprim më të vendosur nga policia kundër shkelësve.

“Ne duam Prokurori që do t’i kualifikojë siç duhet këto krime dhe nuk do të privilegjojë drejtimin e papërgjegjshëm të një automjeti prej 2 tonësh si aktivitet në të cilin lejohet të bëhen gabime. Përgjegjësia është e njëjtë sikur kur menaxhon armë. Duam gjykatë që nuk do të shpallë më dënime me kusht për vrasësit. Duam gazetarë që nuk do të përdorin më termat “fatkeqësi” dhe “aksident” por “vrasje” ose të paktën “goditje”/”përplasje”. Nuk ka të bëjë me gërvishtjet dhe në 99% të rasteve nuk ka të bëjë me ngjarje përtej kontrollit njerëzor”, thanë iniciativa qytetare “Në Biçikleta”.