fbpx

U konfirmuan dënimet e përjetshme për 10 anëtarë të Vëllazërisë Myslimane

Gjykata e Apelit në Egjipt mbështeti dënimet e përjetshme për dhjetë anëtarë të Vëllazërisë Myslimane.

Në mesin e të dënuarve është edhe udhëzuesi suprem i lëvizjes, Mohammad Badie.

Dënimet e përjetshme – 25 vjet burg në Egjipt – u shqiptuan fillimisht në vitin 2019.

Dhjetë burrat u dënuan për dhunë gjatë revolucionit të vitit 2011, që çoi në përmbysjen e diktatorit Hosni Mubarak, transmeton REL.

Gjykata gjithashtu shfajësoi tetë liderë të rangut të mesëm të organizatës islamike. Ata ishin dënuar më parë me 15 vjet burg.

Presidenti islamist, Mohamed Morsi, pasoi Mubarakun, por ushtria, e udhëhequr nga presidenti i tanishëm i Egjiptit, Abdel Fattah al-Sisi, e rrëzoi Morsin, pas protestave masive kundër sundimit të tij.

Sisi e shpalli të paligjshme Vëllazërinë Myslimane në vitin 2013 dhe burgosi mijëra mbështetës të saj.

Vendimet e fundit të gjykatës janë finale dhe nuk mund të apelohen.

Lajme të ngjashme

Leave a Reply

Your email address will not be published. Required fields are marked *

Back to top button