Tre policë janë lënduar gjatë një aksidenti mbrëmë në Shkup
Tre nëpunës policor janë lënduar dhe janë dërguar në spital, pas aksidentit që ka ndodhur natën e kaluar në Shkup. Aksidenti ka ndodhur në udhëkryqin e rrugës “Ruzveltova” me “Orce Nikolov”, transmeton Portalb.mk.
“Më 10.07.2021 në orën 03:37 në Shkup në udhëkryqin nga rruga “Franklin Ruzvelt” me rrugën “Orce Nikolov” ka ndodhur aksident mes automjetit “Skoda jeti” pronë e MPB-së, ndërsa e drejtuar nga K.N. dhe automjetit “Mitsibushi spejstar” me regjistrim të Shkupit, e drejtuar nga V.A. (41) nga Shkupi. Nga aksidenti janë lënduar shoferi (nëpunës policor) i automjetit “Skoda jeti” dhe dy bashkëudhëtarë (nëpunës policor) të automjetit të njëjtë, pas çka i është dhënë ndihmë mjekësore në Klinikën “Nënë Tereza”. Është kryer ekspertizë në vendin e ngjarjes nga ekipi i SPB Shkup”, kanë njoftuar nga MPB.
