fbpx

Digjet mali gjatë gjithë javës afër një fshati në Likovë – problemi është terreni i paarritshëm

Gjatë ditëve të kaluara, një zjarr u përhap në një zonë malore afër Komunës së Likovës, zjarri u shua nga një helikopter i ARM-së, sepse automjetet e zjarrfikësve nuk mund të hynin në vendin e zjarrit për shkak të terrenit të pjerrët, transmeton Portalb.mk.

Institucionet kompetente janë akoma në teren dhe po e shuajnë zjarrin i cili tani për një javë është duke u shpërndarë në pjesët e larta malore të Komunës së Likovës afër fshatit Presnicë, njoftuan përgjegjësit sot.

Një ekip nga dega e Kumanovës së “Pyjeve Kombëtare” është akoma në teren edhe sot.

“Ka ende tym dhe një ekip prej shtatë punonjësish është përsëri në terren këtë mëngjes. Dje ishin rreth 30 persona që përpiqeshin të shuanin zjarrin”, thotë për MIA-n shefi i degës, Luan Bajrami.

Në një pjesë të anës veriperëndimore zjarri u shua, por ai është aktiv në një pjesë të fshatit Presnicë.

Kreu i Qendrës për Menaxhim me Kriza Rajoni Kumanovë, Goran Stojanovski, thotë se është rënduese që zjarri është në një terren jashtëzakonisht të paarritshëm.

Kjo u konfirmua nga komandanti i njësisë territoriale të zjarrfikësve, Dejan Ilievski, i cili tha se ekipet e tyre janë vazhdimisht në teren, por automjetet e zjarrfikësve për shkak të terrenit të pjerrët nuk mund të hyjnë në vendin e zjarrit.

Në ditët e kaluara, zjarri u shua nga një helikopter i ARM-së. Sektori për Punë të Brendshme Kumanovë informoi se po ndërmerr masa për pastrimin e zjarrit në zonën e Presnicës dhe u bëri thirrje qytetarëve që të jenë jashtëzakonisht të kujdesshëm kur ndezin zjarr në ambiente të hapura.

Lajme të ngjashme

Leave a Reply

Your email address will not be published. Required fields are marked *

Back to top button