fbpx

“Prespa e pastër, Prespa ime” solli një muaj plot aktivizëm për mbrojtjen e mjedisit jestësor

Pikërisht një muaj më parë, në plazhin Pretor më 5 qershor, filloi fushata “Prespa e pastër, Prespa ime”, qëllimi kryesor i së cilës ishte pastrimi i deponive që ishin caktuar nga komuniteti lokal dhe sektori i OJQ-ve, për të rregulluar plazhet, dhe në të njëjtën kohë për të rritur ndërgjegjësimin e popullatës dhe turistëve për sfidat mjedisore të rajonit të Prespës, thonë organizatorët e fushatës, raporton Meta, përcjell Portalb.mk.

Një muaj më vonë, aktivitetet në terren dhanë rezultate konkrete për mbrojtjen e mjedisit. Gjatë javës së parë, takime u mbajtën me mbi 50 subjekte nga sektorë të ndryshëm. Pastaj nxënësit në fshatin Ljubojno, Carev Dvor dhe Podmoçani, por edhe nxënës dhe fëmijë nga kopshtet dhe shkollat ​​në Resnjë, u edukuan në një numër mësimesh mjedisore, si kompostimi, efekti serrë, përzgjedhja e mbeturinave, mbrojtja e mjedisit jetësor.

Gjatë tre javëve të ardhshme, punimet kryesore filluan me makineri të rënda për pastrimin dhe rregullimin e Prespës sonë. U pastruan spitali në Oteshevë, oborri dhe stacioni i monitorimit në Stenje, deponia në Konjsko, plazhi në Stenje, rruga nga Pretori deri në Slivnicë, deponia në Slivnicë, deponia afër Carev Dvorit dhe deponia në lokalitetin Rudina , informon “Prespa e pastër, Prespa ime”.

Një numër i madh i figurave publike të cilët ishin mbështetës të këtij veprimi ishin të përfshirë në mënyrë aktive në të gjithë fushatën. Midis tyre, Marjana Stanojkovska, Irena Spirovska, Tasko, Bombakis, Miro Kocarov, Bozidar Bozinovski, Tatjana Aleksicq Vera Meshteroviq, Maja Tino, Elena Velevska dhe ambasadorët e fushatës “Prespa e Pastër, Prespa ime” ishin aktorët Igor Angelov dhe Vladimir Tuliev.

“Unë as nuk isha i vetëdijshëm se kjo fushatë do të ngjallte kaq shumë interes. Jam veçanërisht krenar që në këtë një muaj, në fushatën më të gjerë të zhvilluar në vendin tonë, përveç vetëqeverisjes lokale, u përfshinë një numër i madh i ndërmarrjeve nga sektori i biznesit, fëmijë, të rinj, por edhe më të moshuarit. Nuk ka lumturi më të madhe sesa të shohësh bashkëqytetarët e tu së bashku në pastrimin e Prespës së tyre”, tha kryetari i Komunës së Resnjës, Zhivko Gosharevski.

Aksioni më masiv brenda fushatës u zhvillua në fund të muajit të kaluar, kur komuniteti i biznesit, organizatat e shoqërisë civile, klubet sportive, punonjësit e sektorit publik, NKP Proleter, vullnetarët dhe qytetarët e pastruan Amfiteatrin dhe qendrën sportive dhe rekreative në Resnjë.

Gjatë fushatë u pastrua edhe plazhi Çerti Kamen në Oteshevë, shtratin e Lumit të madh, ndërsa renxherët pastruan shtegun afër vendbanimit turistik Pretor.

Më 27 qershor, banorët e Prespës shijuan ngjarjen e madhe MEET PRESPA, ku përveç kuzhinës tradicionale, vizitorët shijuan edhe muzikën e artistëve nga Maqedonia, Shqipëria dhe Greqia. Para përfundimit të fushatës “Prespa e pastër, Prespa ime”, më të rinjtë u kënaqën me shfaqjen për fëmijë me Masha dhe Ariu, ndërsa performoi edhe Tasko.

“Ne thamë që brenda një muaji do ta lëmë Prespën të pastër për brezat e ardhshëm dhe ne e kemi përmbushur premtimin tonë. Ka ende pjesë të Prespës për tu pastruar, kështu që dy punonjës do të vazhdojnë të krijojnë një Prespa më të pastër. Tani është koha për një sezon të bukur turistik dhe një përkujtim të sloganit tonë “Le ta bëjmë Prespën më të pastër, më të bukur dhe më të gjelbër së bashku”. Mos e harroni këtë slogan dhe praktikojeni atë çdo ditë,” shtoi kryetari i Komunës së Resnjës, Zhivko Gosharevski.

Lajme të ngjashme

Leave a Reply

Your email address will not be published. Required fields are marked *

Back to top button