Forcat amerikane rrëzuan një dron të armatosur mbi Ambasadën e SHBA-së në Bagdad
Forcat amerikane rrëzuan një dron të armatosur që fluturonte mbi Ambasadën e SHBA-së në Bagdad të hënën në mbrëmje, bëri të ditur një burim i sigurisë irakiane, transmeton Anadolu Agency (AA).
Sistemet e mbrojtjes qëlluan me raketa në ajër për të rrëzuar dronin, i cili ishte i ngarkuar me eksploziv, tha burimi, i cili foli në kushte anonimiteti.
Ndaras nga kjo, të hënën, tre raketa shënjestruan bazën ajrore Ain al-Asad në provincën Al Anbar të Irakut perëndimor, ku gjithashtu gjenden trupat amerikane.
Paramilitarët shiitë të mbështetur nga Irani raportohet të jenë përgjegjës për shumicën e sulmeve kundër reparteve dhe objekteve të SHBA-së.
