fbpx

Luga dhe monedhat nuk ngjiten në shpatull për shkak të vaksinës

Ky postim që shpërndahet në Facebook është i pavërtetë. Vaksinat nuk kanë efekt magnetizues, ato nuk kanë përbërës magnetizues. Objektet në dorë mund të ngjiten për shkak të fërkimit, ngjitësit, shiritit ngjitës, djersës natyrore në lëkurën e dorës, por jo për shkak të vaksinimit. Të njëjtët njerëz që mund të ngjisin objekte magnetike në trupat e tyre mund të ngjisin objekte jo-magnetike me të njëjtën lehtësi. Fuqitë e supozuara magnetike zhduken nëse lëkura e tyre mbulohet me pluhur, shkruan Vërtetëmatësi

Teoria e konspiracionit mjaft e përhapur, e cila pretendon se lugët, monedhat dhe sende të tjera të ngjashme ngjiten në shpatullën e personit të vaksinuar, mbërriti në Maqedoni, pasi një “sfidë magnetike” e tillë ishte afirmuar më parë në rrjetin social “Tik Tok”.

Në postimin që po e recensojmë, një qytetar i moshuar, i cili flet në gjuhën maqedonase, tregon në video se shpatulla e tij tërheq lugë metalike dhe monedhë, pasi mori vaksinën.

A vunë vaksinë, a vunë magnet, ku është kjo, vetëm tek ne, thotë ai në videon që ka mbishkrimin, “Le të shikojë populli”. 

Kjo video në kohën e recensimit tonë ka viralitet prej rreth 180 mijë shikimesh, pothuajse 600 pëlqime dhe mbi 370 komente.

Megjithatë, pa dyshim ky njeri nuk arrin të ngjisë monedhat dhe lugën, sepse vaksina ka veti magnetizuese. Ajo që është e qartë është se vaksinat e çdo prodhuesi nuk përmbajnë metale.

Doza e vaksinës është më pak se një mililitër. Doza standarde e Pfizer përmban 0.3 mililitra. Ky nuk është vëllim i mjaftueshëm për t’iu përshtatur një mikroçipi, edhe nëse dikush dëshiron të bëjë diçka të tillë. Edhe një dozë e tërë e injektuar që përmban metal ferromagnetik nuk do të ishte e mjaftueshme për të krijuar efektin e videos. Kur shikoni përbërjen e vaksinës Pfizer, mund të shihni se ajo përmban lipide të ARN-së, klorur kaliumi, klorur natriumi dhe saharozë. Pra, kryesisht përmban lipide, proteina, kripëra dhe sheqerna. Lipidet, proteinat, kripërat dhe sheqernat mund të gjenden në shumicën e ushqimeve dhe nuk janë metale ferromagnetike.

Nuk dihet se çfarë përdorin në magnet në mënyrë që të mund të ngjiten, nëse është ngjitës, nëse është shirit ngjitës, ose ndoshta është vetëm djersa nga dorashkruan magazina me renome e “Forbes” nga SHBA-të.

Mjekja Seline Gunder, një epidemiologe dhe specialiste e sëmundjeve infektive, tregon se nuk ka hekur në listën e përbërësve të vaksinave.
Hekuri është një nga metalet më të zakonshëm që përdoret në magnet, por do të shihni se nuk përmendet hekur në listën e vaksinave. Shumë multivitamina përmbajnë hekur dhe ne nuk i shohim njerëzit që magnetizohen ose magnete ju ngjiten në trupin e tyre pasi kanë marrë vitaminatha ajo.
Edhe në komentet poshtë postimit që po recensojmë, mund të shihet se njerëzit thonë se edhe ata janë vaksinuar, por nuk mund të ngjisin asgjë në dorën e tyre, dmth që kjo sfidë nuk funksionon për ta. Të tjerë thonë se megjithëse nuk janë vaksinuar, ata mund të ngjisin monedhë në shpatullat e tyre.

Sidoqoftë, “Forbes” vëren se ekziston një copë e vërtetë në faktin se shumë njerëz mund të ngjisin në lëkurë magnet metali ose sende të tjera, të tilla si qelqi, porcelani, plastika, druri dhe alumini. Por në këtë fenomen nuk ka magnetizëm, por diçka shumë më të zakonshme. Arsyeja pse objektet mund të ngjiten tek disa njerëz është forca e quajtur “fërkimi”.

Nuk është vërejtur fushë magnetike

Në çdo rast që këto “magnet njerëzorë” u testuan, u morën të njëjtat rezultate. Ato janë: nëse përpiqeni të matni fushën magnetike përreth një personi, do të merrni rezultat zero, nuk zbulohet asnjë fushë magnetike. Për më tepër, të njëjtët njerëz që mund të ngjisin objekte magnetike në trupat e tyre mund të ngjisin objekte jo-magnetike me të njëjtën lehtësi. Ngjitja e tretë ndodh vetëm kur lëkura është e lëmuar dhe pa flokë. E katërta – gjithmonë personi të cilit i është ngjitur ose mbështetur objekti prapa. Dhe së pesti, siç tregohet në këtë lidhje, fuqitë e tyre të supozuara magnetike zhduken nëse ua mbuloni lëkurën me pluhur.

Disa njerëz kanë lëkurë më ngjitëse se të tjerët. Në fakt, në videon që po shqyrtojmë si pjesë e postimit, lëkura e gruas së pari fshihet me një shami të lagur. Trupi i njeriut nuk ka fusha magnetike të matshme në vetvete. Nuk është nga vaksina sepse nuk përmban përbërës magnetizues. Aftësia e lëkurës për të qenë ngjitëse nuk ndryshohet nga vaksinathotë Forbes në analizë.

Madje edhe vajza që e filloi sfidën në “Tik Tok” për BBC, tha se: Njerëzit duhet të ndalojnë së besuari gjithçka që shohin në Facebook, YouTube ose Tik Tokduke shtuar se e gjitha ishte një shaka dhe se ajo e ka tërhequr videon.

Kërkim faljen e saj ju mund ta shikoni duke filluar nga minuta 2 në këtë video. Por ishte tepër vonë, sepse sfida e ngjitjes së objekteve metalike dhe gënjeshtrës se ato ngjiten në shpatull për shkak të vaksinës kundër kovidit, tashmë kishin marrë hov.

Informacionet për të gjitha vaksinat kundër kovidit nga prodhues të ndryshëm, të cilët administrohen në vend, mund të gjenden në lidhjen vijuese së bashku me përbërjen e tyre dhe udhëzimet për përdorim.

Për shkak të këtij argumenti, ne e konsiderojmë postimin të pavërtetë. Vaksinat nuk kanë efekt magnetizues, ato nuk kanë përbërës magnetizues. Objektet në dorë mund të ngjiten për shkak të fërkimit, ngjitjes, shiritit ngjitës, djersës natyrore në lëkurën e dorës, por jo për shkak të vaksinimit.

Duhet të theksohet edhe se informacioni në lidhje me përbërësit e pretenduar magnetizues në vaksinë, dmth mikro-çipet, nxitet nga informacioni sipas të cilit kompania amerikane “Api Xhekt” njoftoi përfshirje të mundshme dhe opsionale të një barkodi në paketimin e jashtëm të shiringës së vaksinës, e cila do të monitorojë kur doza është administruar dhe ku, por gjithashtu nëse vaksina është e skaduar ose e falsifikuar. Ky barkod, i quajtur gjithashtu çip, nuk do të injektohet në vaksinë, por do të vendoset në pjesën e jashtme të shiringës dhe është opsional, jo i detyrueshëm. Në Maqedoni nuk përdoret.

Lajme të ngjashme

Leave a Reply

Your email address will not be published. Required fields are marked *

Back to top button