RMV, Misin Gradinaj, kandidat i PDSH-së për kryetar të Çairit
Në Kuvendin e degës së Çairit të mbajtur sonte, ka vendosur që kandidat për kryetar të Komunës së Çairit të jetë Misin Gradinaj, njofton Portalb.
Nga partia informojnë se në këtë kuvend gjithashtu është zgjedhur edhe kryetari i degës Neçko Koxha, si dhe shtatë anëtarë të Kuvendit Qendror të PDSH-së nga kjo degë.
“PDSH-ja paraqet shpresën e vetme që me kandidimin e Misin Gradinaj, bashkë me grupin e këshilltarëve, Çairit t’i kthehet shpresa e humbur dhe të luftohet getoizimi në të cilën ndodhet si pasojë e keqeveverisjes për një periudhë të gjatë nga struktura të korruptuara të cilat Çairit i sollën vetëm mjerrim, dhune dhe reket, ka thënë Menduh Thaçi, kryetar i PDSH-së në tubimin e sotëm.
