fbpx

Maqedoni e Veriut, filloi Forumi i Prespës për dialog

Kanë filluar panel diskutimet e para të Forumit të Prespës për Dialog të cilin Qeveria e Maqedonisë së Veriut e organizon për herë të parë dhe i cili mbledh në një vend liderë shtetërorë nga vendi dhe rajoni, por edhe përfaqësues të vendeve dhe organizatave të shumta, raporton Anadolu Agency (AA).

Konferenca e parë ndërkombëtare në kuadër të forumit, i cili sot dhe nesër organizohet në Ohër dhe Oteshevë të Maqedonisë së Veriut, është titulluar “Ballkani Perëndimor: Pjesa që mungon për të qenë Evropa e plotë”.

Në kuadër të shumë panel diskutimeve do të marrin pjesë gjithsej 300 të ftuar, duke përfshirë krerët shtetëror nga Maqedonia e Veriut dhe rajoni, duke përfshirë edhe zv/ministrin e Punëve të Jashtme të Turqisë, Faruk Kaymakcı. Gjithashtu, praninë e tyre e kanë konfirmuar edhe zyrtarë dhe ish zyrtarë të administratës së NATO-s, SHBA-së, Bashkimit Evropian (BE), përfaqësues të organizatave joqeveritare, si dhe gazetarë të shumtë.

Temat që do të diskutohet në panel diskutimet kryesisht janë të fokusuara në integrimin e rajonit të Ballkanit Perëndimor në BE.

Në paralajmërimin e bërë javën e kaluar, ministri i Punëve të Jashtme i Maqedonisë së Veriut, Bujar Osmani, tha se kjo është konferenca më e madhe ndërkombëtare që vendi e ka organizuar ndonjëherë.

Në faqen zyrtare të forumit thuhet se FPD është platformë e krijuar nga Qeveria e Maqedonisë së Veriut për t’u mundësuar vendeve, udhëheqësve, organizatave dhe qytetarëve të ndërtojnë marrëdhënie afatgjata dhe t’i forcojnë partneritetet.

Qeveria nëpërmjet një komunikate informoi se, në bazën e Prespa forum dialog gjenden tre shtylla: Marrëveshja kornizë e Ohrit, Marrëveshja për miqësi me Bullgarinë dhe Marrëveshja e Prespës.

“Këto marrëveshje krijojnë një pasqyrë të re alternative, jo vetëm për ne, por edhe për rajonin. Këto marrëveshje bazohen në tregimin bashkëkohor politik dhe shoqëror të vendit, i cili nga ana tjetër është një model i shkëlqyeshëm autentik për zbatimin e suksesshëm të vlerave bashkëkohore si bashkëjetesa, barazia, liria, solidariteti, gjithëpërfshirja, demokracia këtu në Ballkan. Si temë për Konferencën e parë, ne në fakt zgjodhëm çështje për tu përpunuar, të cilat gjatë gjithë vitit ishin në fokus të politikës sonë të jashtme, dhe kjo është të azhurnojmë pranimin tonë në BE, duke ndjekur trendin që jo vetëm në vendin tonë por gjithashtu në rajon. BE-ja është shfaqur si një çështje strategjike dhe është interesi strategjik i BE-së të integrojë Ballkanin Perëndimor, si një pjesë që mungon, për të përfunduar projektin për një Evropë të bashkuar”, thuhet në kumtesën e Qeverisë.

Në këtë aktivitete do të marrin pjesë dy presidentë të shteteve, i Sllovenisë dhe i Malit të Zi, Millo Gjukanoviq dhe Borut Pahor katër kryeministra nga rajoni, Edi Rama, Zoran Tegeltija, Ana Bërnabiq dhe Albin Kurti. Ndihmës Sekretari Shtetëror për çështje Evropiane dhe Çështje Euro-Aziatike në Departamentin e Shtetit të SHBA-ve, Filip Riker dhe zëvendëskndihmës Sekretar në Byronë për Punë Evropiane dhe Euro-Aziatike në Departamentin e Shtetit të SHBA-ve, Metju Palmer, do të jenë pjesë e Konferencës, ndërsa nga BE-ja do të marrin pjesë Komisari Johanes Han, përfaqësuesi  special i BE-së për Ballkanin Perëndimor, Mirosllav Llajçak, Anxhelina Ajnhorst nga Shërbimi për Politikë të Jashtme dhe të Sigurisë, si dhe disa deputetë nga Parlamenti Evropian.

Lajme të ngjashme

Leave a Reply

Your email address will not be published. Required fields are marked *

Back to top button