Më së paku lindje ka pasur në Lindje të Maqedonisë së Veriut
Në Maqedoninë e Veriut gjatë vitit 2020 më së shumti lindje ka pasur në rajonin e Shkupit, derisa më së paku në rajonin e lindjes, ndërkohë mosha mesatare e vdekjeve në gjithë vendin është 73 vjeç, transmeton Portalb.mk.
“Pjesëmarrje më të madhe në raport me numrin e përgjithshëm të lindjeve, ka Rajoni i Shkupit me 38.8%, ndërsa më pak lindje kemi në Rajonin Lindor me 6.1%”, njoftojnë nga Enti Shtetëror i Statistikave.
Raportohet që 11 258 fëmijë kanë lindur në zona urbane ku mosha mesatare e nënave që kanë lindur është 29.8 vjeç, derisa në ato periferike 7 773 fëmijë, ku nënat janë në moshën mesatare 28.4 vjeç.
“Pjesëmarrje më të madhe në raport me numrin e përgjithshëm të personave të vdekur ka Rajoni i Shkupit 28.5 %, a më të vogël ka Rajoni i Vardarit me 8.1 %”, raportoi Enti, duke sqaruar që në zona urbane kanë ndërruar jetë 15 948 persona, derisa në zona rurale 9 807.
Në Maqedoninë e Veriut janë këta rajone: Vardar, Lindje, Jugperëndim, Juglindje, Pellagonisë, Pollog, Verilindje dhe Shkupit.
- LEXO: Vitin e kaluar në Maqedoninë e Veriut 105 persona kanë kryer vetëvrasje, shumica mbi moshën 45 vjeçare
- LEXO: Në Maqedoninë e Veriut u regjistrua rritje e numrit të vdekjeve gjatë vitit 2020, këta janë shkaktarët kryesorë
- LEXO: Më së shumti lindje gjatë vitit 2020 në Maqedoninë e Veriut u regjistruan në Tetovë, Kumanovë dhe Çair
- LEXO: RMV, në vitin 2020 më pak të porsalindur, 19 foshnja kanë lindur nga nëna nën 15-vjeç