Filipçe: Në shtator, nxënësit mund të kthehen në bankat e tyre, kah fundi përgatitja e protokolleve për punë të shkollave

Ministri i shëndetësisë Venko Filipçe njoftoi se protokollet për kthimin e të gjithë nxënësve në shkolla në vitin e ri shkollor që fillon në shtator janë pothuajse gati. Ai vlerësoi sot se nëse situata me Covid-19 në shtator është si tani, nxënësit duhet të kthehen në shkolla, raporton Meta, përcjell Portalb.mk.

“Protokollet për punën e shkollave nga shtatori janë pothuaj gati. Ka edhe disa detaje teknike për të cilat po punohet nga Ministria e arsimit dhe shkencës dhe epidemiologët tanë, përfaqësues të Komisionit për sëmundje infektive. Planifikohet që fëmijët të jenë 100 përqind të pranishëm në shkolla, dhe protokollet përfshijnë masa për dezinfektim, kujdes në hyrje dhe dalje dhe pa përzierje me klasave të ndryshme. Për rreth dy javë, protokollet do të jenë plotësisht të gatshme”, tha Filipce pas diskutimit në panelin e sotëm: “Shërbimet shëndetësore të përshtatura për grupe të cenueshme të qytetarëve – si të përmirësojmë sistemin bazuar në përvojën e deritanishme” që u mbajt në Muzeun e artit bashkëkohor (MAB)

Në vitin shkollor 2020/2021, për shkak të pandemisë, vetëm nxënësit nga klasa e parë deri në të tretën ndoqën mësimet me prani fizike në shkollë, ndërsa pjesa tjetër ndoqën mësimet onlajn.

Filipçe gjithashtu tha se vendimi i Byrosë për zhvillim të arsimit, për të mos shpërndarë dëftesa për nxënësit tani, sepse nuk ka kushte, nuk ishte marrë në koordinim me ministrinë.

“Dëftesat mund të ndahen edhe në oborre. “Çdo gjë që mund të organizohet në kushte të jashtme mund të bëhet,” tha ai, duke shtuar se me ardhjen e një numri të madh të vaksinave këtë fundjavë, është planifikuar imunizimi i të gjithë mësuesve.

Lajme të ngjashme

Leave a Reply

Your email address will not be published. Required fields are marked *

Back to top button