Armeni, partia e kryeministrit Pashinyan fitoi zgjedhjet parlamentare
Sipas rezultateve të sotme preliminare, partia e kryeministrit të Armenisë në detyrë, Nikol Pashinyan fitoi zgjedhjet e parakohshme parlamentare me 53.92 për qind të votave, transmeton Anadolu Agency (AA).
Rezultatet jozyrtare të shpallura nga Komisioni Qendror Zgjedhor i Armenisë treguan se Partia e Kontratës Civile e Pashinyanit doli e para në zgjedhjet e zhvilluara të dielën.
Partia e ish-presidentit Robert Kocharian, “Aleanca Armene” doli e dyta me 21.1 për qind të votave.
Pjesëmarrja në zgjedhje, sipas komisionit, ishte 49.4 për qind.
Njëzet e gjashtë lëvizje politike garuan në zgjedhjet për zyrën e lirë pas dorëheqjes së Pashinyanit nga kryeministria më 25 prill.
Gjithsej 22 parti politike, së bashku me katër aleanca, morën pjesë në zgjedhjet për të marrë votat e mbi 2.58 milionë qytetarëve.
Dorëheqja e Pashinyanit erdhi pas disfatës së vitit të kaluar në rajonin e Malësisë së Karabakut, ku lufta gjatë gjashtë javore midis Armenisë dhe Azerbajxhanit përfundoi me një armëpushim të ndërmjetësuar nga Rusia më 10 nëntor.