fbpx

Shqipëri, 75 mijë anëtarë votojnë për kreun e PD-së, Basha kërkon mandatin e tretë

Rreth 75 mijë anëtarë të Partisë Demokratike priten ti drejtohen ditën e sotme qendrave të votimit, në 76 qendra në të gjithë Shqipërinë, ku do të votojnë për kryetarin e ri të kësaj force politike mes katër kandidatëve, transmeton Top-Channel.

Lulzim Basha, i cili rikandidon dhe kërkon vetëbesimin nga ana e anëtarësisë për një mandatë të tretë, në krye të kësaj force politike. Kandidatët e tjetër janë Edit Harxhi, Agron Shehaj, si dhe Fatbardh Kadilli.
Pritet që anëtarësia ti drejtohet kutive të votimit rreth orës 08:00 të mëngjesit të sotëm dhe deri në orën 19:00 të gjitha qendrat e votimit do të jenë të hapura.
Komisioni Zgjedhor ka nxjerrë rregulla për personat të cilët nuk do të lejohen të votojnë, një ndër ta janë edhe personat të cilët kanë bërë fushatë për kundërshtarin politik, kryesisht për partitë e reja të djathta, dala nga PD.
Po ashtu, anëtarët që nuk e gjejnë emrin e tyre në listën elektronike do të mund të votojnë përmes kartës së anëtarësisë.
Në një dalje publike, Kryetari i Komisionit Zgjedhor, Jemin Gjana, bëri me dije se ditën e djeshme u shpërndanë materialet zgjedhore në të 76 qendrat e votimit, të ngritura në të gjithë Shqipërinë.
Ndërkohë, ka patur një problematikë sa i takon dorëzimit të vëzhgueseve nga ana e kandidatëve. I vetmi që depozitoi ditën e djeshme, pranë Komisionit, emrat e vëzhguesve ishte kandidati Fatbardh Kadilli.
Ndërkaq, është publikuar edhe fleta e votimit për zgjedhjet e kryetarit të PD-së.
Në fletën e votimit janë renditur 4 emrat e kandidatëve, për të cilët do të votohet duke vendosur një nga shenjat ‘+, x”.

Lajme të ngjashme

Leave a Reply

Your email address will not be published. Required fields are marked *

Back to top button