fbpx

El Salvadori miraton kriptomonedhën ‘Bitcoin’ si mjet ligjor

El Salvadori ka miratuar kriptomonedhën kryesore ‘Bitcoin’ si një mjet ligjor në vend, transmeton Anadolu Agency (AA).

“Ligji i ‘Bitcoin’-it është miratuar nga shumica në Kongresin Salvadorian me 62 nga 84 vota”, shkroi pas mesnate në rrjetet sociale Nayib Bukele, presidenti i vendit të vogël të Amerikës Qendrore.

Kjo masë e bën El Salvadorin vendin e parë në botë që miratoi zyrtarisht monedhën dixhitale. ‘Bitcoin’ do të përdoret si monedhë zyrtare së bashku me dollarin amerikan.

Derisa disa ekspertë thonë se ‘Bitcoin’ dhe kriptomonedhat mund të përdoren si një lëvizje afatgjate kundër kushteve makroekonomike, të tjerët shqetësohen se ato janë shumë të paqëndrueshme dhe mund të përdoren në pastrim parash dhe transaksione të paligjshme.

Vlera e kriptomonedhës ‘Bitcoin’ aktualisht është rreth 50 për qind në rënie që nga muaji prill kur arriti vlerën më të lartë të të gjitha kohërave, përkatësisht në 64 mijë dollarë. Kriptomonedha më e madhe në botë nga kapitalizmi i tregut aktualisht tregtohet rreth 34.200 dollarë.

Lajme të ngjashme

Leave a Reply

Your email address will not be published. Required fields are marked *

Back to top button