fbpx

Një vend tjetër evropian filloi vaksinimin e adoleshentëve

Polonia nisi të hënën vaksinimin e fëmijëve të moshës 12-15 vjeç kundër koronavirusit, raporton REL. Nga sot, prindërit mund t’i regjistrojnë fëmijët e kësaj moshe të marrin vaksinën Pfizer/BioNTech.

Vaksinat fillimisht do të jenë në dispozicion në qendrat e vaksinimit, ndërsa nga shtatori edhe në shkolla. Në Poloni, deri më tash, 46% e të rriturve kanë marrë një dozë të vaksinës kundër koronavirusit, ndërsa 26% i kanë marrë të dyja dozat.

Qeveria planifikon të vaksinojë këdo që dëshiron deri në fund të gushtit, tha të hënën zëdhënësi i saj, Piotr Muller. Javën e kaluar, Rumania dhe Italia u bënë vendet e para që nisën vaksinimin e adoleshentëve kundër koronavirusit. Shtetet e Bashkuara dhe Kanadaja e kanë miratuar më herët përdorimin e kësaj vaksine te fëmijët 12 vjeç e lart.

Drita jeshile për përdorimin e vaksinës Pfizer/BioNTech te fëmijët 12 vjeç e lart u dha nga Agjencia Evropiane e Barnave (EMA) dhe u miratua nga Komisioni Evropian.

Lajme të ngjashme

Leave a Reply

Your email address will not be published. Required fields are marked *

Back to top button