fbpx

Sllovakia, vendi i dytë i Bashkimit Evropian që nis vaksinimin me Sputnik V

Sllovakia u bë vendi i dytë i Bashkimit Evropian që nisi vaksinimin kundër koronavirusit me vaksinën ruse Sputnik V, raporton REL. Nga e hëna, kjo vaksinë do t’u ofrohet vullnetarisht personave të moshës 18 deri në 60 vjeç dhe do të jetë në dispozicion në tetë qendra vaksinimi.

Sllovakia e miratoi përdorimin e vaksinës Sputnik V muajin e kaluar dhe bleu 200,000 doza.

Megjithatë, vetëm 5,000 njerëz nga 5.5 milionë sa ka Sllovakia, janë regjistruar deri më tash për marrjen e kësaj vaksine. Sputnik V nuk është miratuar nga Agjencia Evropiane e Barnave (EMA). Hungaria ka qenë vendi i parë i BE-së që e ka miratuar atë.

Një marrëveshje sekrete që ka bërë Sllovakia për blerjen e dy milionë vaksinave Sputnik V ka shkaktuar krizë politike në muajin mars dhe ka rezultuar me rënien e Qeverisë së atëhershme sllovake, të udhëhequr nga kryeministri Igor Matoviç.

Sllovakia, deri më tash, ka dhënë tri vaksinat e miratuara nga EMA: Pfizer/BioNTech, Moderna dhe AstraZeneca.

Lajme të ngjashme

Leave a Reply

Your email address will not be published. Required fields are marked *

Back to top button