UEFA ka hapur procedurë disiplinore ndaj Real Madridit, Barcelonës dhe Juventusit
UEFA ka vendosur të marr masa disiplinore kundër Real Madridit, Barcelonës dhe Juventusit për pjesëmarrjen në krijimin e Superligës, shkruan Telegrafi.
Dy klubet e mëdha spanjolle Real Madrid dhe Barcelona, së bashku me Juventusin janë tre klubet e vetme që ende nuk janë distancuar nga Superliga, gjë që e kanë bërë nëntë anëtarët e tjerë që ishin bashkëthemelues.
Në një deklaratë të martën, UEFA konfirmoi se kanë ndërmarrë veprime kundër tre klubeve.
? UEFA has opened disciplinary proceedings against Real Madrid, Barcelona and Juventus for their ongoing involvement in the Super League. pic.twitter.com/iATSJLO7Pg
— Goal (@goal) May 25, 2021
“Pas një hetimi të kryer nga Inspektorët e Etikës dhe Disiplinës së UEFA-s në lidhje me të ashtuquajturin projekt”Super League”, janë hapur procedurat disiplinore kundër Real Madrid CF, FC Barcelona dhe Juventus FC për shkelje të mundshme të Kuadri ligjor të UEFA-s”, thuhet një njoftim.
UEFA ka shtuar se informacione të mëtejshme do të vihen në dispozicion në kohën e duhur në lidhje me dënimet që mund t’i marrin këto klube.
