(Video) Fiorentina gjunjëzoi Interin

Fiorentina ka bërë një paraqitje mbresëlënëse në triumfin prej 4-1 kundër Interit në ndeshjen e dytë për nga rëndësia në javën e 25-të në Serie A.
Pas një gjysme të parë fantastike, skuadra vendase kishte epërsi të dyfishtë. Paraqitja e Violas ishte sensacionale me Aquilanin, Valeron dhe Pizarron që dominonin në mesfushë. Ndërkohë që zikaltrit dukeshin të humbur në fushë.
Në minutën e 13-të, Jovetic dërgoi një harkim drejt Adem Ljajic, i cili e zhbllokoi rezultatin.
Malazezi Stevan Jovetic mori një top nga Alberto Aquilani dhe nisi një gjuajtje të pandalshme, e cila rezultoi me golin e tij të dhjetë sezonal (33’).

Edhe në gjysmën e dytë, 23-vjeçari Jovetic vazhdoi të ishte ëndrra e keqe e portierit të Interit, pasi shënoi golin e dytë personal (55’). Përsëri asistues ishte Aquilani.

Për të demoluar në tërësi Nerazzurrët u përkujdes Adem Ljajic, i cili shënoi po ashtu golin e dytë (65’) në këtë ndeshje, falë asistimit të Borja Valeros.

Antonio Cassano shënoi golin e nderit për mysafirët në minutën e 87-të.

Fiorentina ngritet në kuotën e 42 pikëve, megjithatë mbetet në pozitën e gjashtë në tabelë me një pikë më pak se Interi që gjendet një pozitë më lartë.

Lajme të ngjashme

Back to top button