Rritje e rrogës mesatare për gjashtë përqind në Maqedoninë e Veriut, ndërkohë është regjistruar ulje në disa sektorë

Në Maqedoninë e Veriut gjatë muajit mars është regjistruar rroga mesatare mujore prej 28 217 denarë, që paraqet 6.8 % më shumë në krahasim me marsin e vitit të kaluar, transmeton Portalb.mk.

“Kjo rritje ka ardhur si rezultat para së gjithash, rritjes së pagës mesatare mujore neto për të punësuarit në sektorët: Arte, argëtim dhe rekreacion (17.9%), Veprimtaritë e mbrojtjes shëndetësore dhe sociale (12.3%) dhe Informimi dhe komunikimi (12.1%)”, raportojnë nga Enti Shtetëror i Statistikave, ndërsa rroga mesatare bruto është regjistruar 42 097 denarë.

Në këtë periudhë është regjistruar ulje në sektorë si, magazinimi dhe veprimtaritë për transport (9.7%), agjencitë turistike (7.9%), prodhimi i koksit dhe produkteve të rafinuara të naftës (5.8%), prodhimi i produkteve të duhanit (1.4%), etj.

Raportohet që rroga mesatare mujore në muajin mars është rritur për 1% në krahasim me muajin shkurt të këtij viti, kur ishte 27 948 denarë. Rroga mesatare mujore në arsim gjatë muajit mars ka qenë 27 540 denarë.

“Jemi të përkushtuar në realizimin e normave të rritjes ekonomike prej 4-5% dhe rritjen e pagave për 20% deri në 30% ose deri në 34 mijë denarë në katër vitet e ardhshme në mënyrë që të përmirësojmë standardin e qytetarëve dhe ekonominë në vend”, kishin premtuar në muajin janar nga Qeveria e Maqedonisë së Veriut.

Ndryshe, kryeministri i Maqedonisë së Veriut, Zoran Zaev, në fushatën parazgjedhore parlamentare për zgjedhjet e 15 korrikut premtoi se paga mesatare do të jetë 34 mijë denarë.

• LEXO: RMV, paga më të larta, por fuqia blerëse më e vogël
• LEXO: Më e ulët se 500 euro rroga mesatare në Maqedoninë e Veriut, ulje dhe ngritje në disa sektorë
• LEXO: Rroga mesatare në Maqedoninë e Veriut nën 500 euro, rritje dhe ulje në disa sektorë
• LEXO: RMV, u regjistrua diku rritje e diku ulje e rrogës mesatare, Qeveria premtoi rritje deri 30%
• LEXO: Zaev: Rrogë minimale 20 mijë denarë, mesatare 34 mijë denarë dhe pension për personat mbi 65 vjet
• LEXO: RMV, rreth 300 denarë rritje mesatare të rrogës neto, në disa sektorë rritje më të madhe
• LEXO: RMV, Vetëm 14 denarë rritje të rrogës mesatare në muajin shtator, ulje në disa sektorë
• LEXO: ANALIZË:  Rroga mesatare në RMV u rrit për 39 euro – si u arrit kjo rritje? (Infografik)