fbpx

RMV, Ministria e Ekonomisë shpalli thirrje për aplikimin e hoteleve për pranimin e mysafirëve me vauçerë

Ministria e Ekonomisë shpalli thirrjen publike për paraqitjen e interesit nga objektet gastronomike për akomodim për të pranuar mysafirë që do të marrin Vërtetim për pushim të punëtorëve me të ardhura të ulëta, vlera e të cilave arrin 12.000 denarë, transmeton Portalb.mk.

Siç informuan nga kjo ministri, qëllimi themelor i kësaj mase është që t’u mundësojë personave me të ardhura të ulëta të shfrytëzojnë pushimin vjetor në qendrat turistike në Republikën e Maqedonisë së Veriut, e njëherësh t’u ndihmohet edhe qendrave turistike në rritjen e vëllimit të punës.

“Të drejtën e pjesëmarrjes në thirrjen publike e kanë të gjitha objektet e kategorizuara gastronome për akomodim (hotele) që janë të licencuara dhe që gjenden në qendrat turistike në Republikën e Maqedonisë së Veriut dhe agjencitë turistike me A Licencë. Për paraqitjen e interesit, objektet gastronome për akomodim (hotele) dhe agjencitë turistike me licencë A duhet të dorëzojnë në Ministrinë e Ekonomisë formular të plotësuar për kërkesë për paraqitjen e interesit (formular të gatshëm). Pas paraqitjes së objekteve gastronome dhe agjencive turistike, Ministria e Ekonomisë do të shpallë edhe thirrje publike për të gjithë personat që duan të marrin vauçer për turizëm në vlerë prej 12.000 denarëve”, thuhet në kumtesën e ministrisë.

Vauçer për shfrytëzimin e pushimit do të marrin të gjithë personat me të ardhura të ulëta të cilët do të aplikojnë në thirrjen publike, të ardhurat mujore e të cilëve në familjen nuk e tejkalojnë vlerën neto prej 30.000 denarëve.

Afati i fundit për aplikim është 31.05. të vitit 2021.

Lajme të ngjashme

Leave a Reply

Your email address will not be published. Required fields are marked *

Back to top button