Katër helikopterë të prodhimit rus të ARM-së dhe MPB-së do të riparohen dhe modernizohen në Çeki

Ministri i Mbrojtjes i Republikës Çeke, Lubomir Metnar, sot është për vizitë zyrtare në Shkup, si ministër i parë i Mbrojtjes nga një shtet anëtar i NATO-s që viziton kryeqytetin e Maqedonisë pas anëtarësimit tonë në Aleancë. Së bashku me ministren e Mbrojtjes Radmilla Shekerinska dhe ministrin e Brendshëm Oliver Spasovski, ai nënshkroi Memorandumin e mirëkuptimit dhe bashkëpunimit teknik midis dy vendeve, i cili parashikon modernizimin e katër helikopterëve ARM-së dhe MPB-së nga prodhimi rus në një kompani shtetërore çeke, transmeton Portalb.mk.

Ministri çek Metnar tha se ishte i lumtur që vendi ynë zgjodhi Republikën Çeke për riparimin dhe modernizimin e helikopterëve, duke theksuar se ata kanë një histori të gjatë në këtë fushë, por gjithashtu siguroi që kriza diplomatike midis Republikës Çeke dhe Federatës Ruse nuk do të ketë ndikim në realizimin e këtij projekti.

Ai sqaroi se qeveria çeke ka aprovuar fondet për ndihmë për Maqedoninë e Veriut në fushën e pajisjeve kundër mbrojtjes kimike, ndërsa fondet tjera do të sigurohen në drejtim të mbrojtjes së informacionit të klasifikuar sipas standardeve të NATO-s.

Ministrja Radmilla Shekerinska sërish tha se i ka dërguar dy ftesa homologut të saj çek, një për pjesëmarrjen e forcave të armatosura çeke në stërvitjet ushtarake në poligonin Krivolak. Ftesa e dytë është për përdorim të përbashkët të qendrës për marrëdhënie me publikun në Shkup, e cila në të ardhmen Ministria jonë e Mbrojtjes planifikon të shndërrohet në qendër për luftimin e lajmeve të rreme.

Ministri çek i Mbrojtjes përsëriti se vendi i tij mbështet hyrjen e Maqedonisë së Veriut në BE. Ai shtoi se nuk i ndan idetë rreth pozitës historike të Bullgarisë, por gjithashtu ofroi përvojën dhe ndihmën çeke për vendin në zgjidhjen e mosmarrëveshjes me Bullgarinë.

Lidhur me bllokadën bullgare mbi fillimin e negociatave për anëtarësimin e Maqedonisë së Veriut në BE, ministrja Shekerinska tha se mungesa e një qeverie politike në Bullgari është një faktor që do të ndikojë në procese, por ne nuk mund të presim që të kalojnë zgjedhjet. Ajo shtoi se zgjedhje në Ballkan ka vazhdimisht, por shpreson se Bullgaria do të jetë gati një orë e më parë të gjejë zgjidhje të mosmarrëveshjes.