Raketa e re e Elon Musk për herë të parë zbarkoi pa shpërthyer

N. D. 11:31, 06-05-2021

SpaceX lansoi dhe për herë të parë zbarkoi me sukses raketën e saj futuristike “Starship”, me të cilën Elon Musk planifikon që në të ardhmen të dërgojë njerëz në Hënë dhe Mars. Kjo vjen pasi katër përpjekjet e mëparshme përfunduan me shpërthime në faza të ndryshme të provës në poligonin e Teksasit, transmeton Portalb.mk.

Prototipi i fundit, i përditësuar i raketës, fluturoi 10 kilometra mbi Gjirin e Meksikës, pas së cilës u kthye dhe filloi të zbriste horizontalisht, duke u vendosur vertikalisht në kohën e duhur të uljes. Zjarri në bazën e raketës 50 metra u shua shpejt dhe mbeti i qetë pas një fluturimi gjashtë minutësh.