Nëse jeni të vaksinuar kundër COVID-19, atëherë duhet të dini përgjigjet e këtyre pyetjeve
Këto janë përgjigjet profesionale të pyetjeve më të zakonshme në lidhje me imunizimin kundër COVID-19, dmth., çfarë duhet të dini pasi të merrni dozën mbrojtëse ndaj koronavirusit, shkruan Panacea.mk.
Nëse jam vaksinuar kundër virusit SARS-CoV-2, a duhet të mbaj akoma maskë, të mbaj distancën dhe të ndjek masat tjera parandaluese?
Duke pasur parasysh informacionin aktualisht të kufizuar për shkallën në të cilën vaksina ndikon në përhapjen e virusit, sa zgjat mbrojtja e krijuar pas vaksinimit, personat e vaksinuar duhet t’u përmbahen të gjitha rekomandimeve aktuale për të mbrojtur veten dhe të tjerët, duke përfshirë:
- Mbajtjen e maskës
- Mbajtjen e distancës fizike prej të paktën dy metra nga personat e tjerë
- Shmangien e tubimeve të mëdha shoqërore
- Larjen e shpesht të duarve
- Respektimin e udhëzimeve në vendin e punës, shkollë, hapësirat publike, udhëtime
Pasi të kemi marrë vaksinën kundër COVID-19, a do të kem test pozitiv PCR ose SARS-CoV-2 të antigjenit si pasojë e vaksinimit?
Vaksinat e aprovuara aktualisht kundër COVID-19 nuk mund të shkaktojnë rezultat pozitiv të testit (PCR dhe test antigjeni) që përdoret për të zbuluar infeksionin aktual të koronavirusit.
Ku dhe si raportohen efektet anësore të vaksinimit?
Efektet anësore nga vaksinimi mund t’i raportohen mjekut amë, i cili duhet të informojë Agjencinë për barna dhe ndihmën mjekësore të vendit ose Institutin e Shëndetit Publik, ku efektet anësore të vaksinave monitorohen dhe analizohen.
A mund të përdoren ilaçe të tjera që personi i përdor për sëmundjet e diagnostikuara më parë në ditën e marrjes së vaksinës?
Ata mund dhe duhet: vaksinimi nuk ndikon në terapinë e rregullt.
Nëse dikush infektohet me virusin SARS-CoV-2 pasi ka marrë dozën e parë të vaksinës, sa kohë duhet të presë për të marrë dozën e dytë të vaksinës?
Vaksinimi nuk duhet të kryhet gjatë periudhës së izolimit, por pasi personi të lërë vaksinimin, ai mund të marrë dozën e dytë (periudha midis dozës së parë dhe të dytë nuk duhet të jetë më pak se 21 ditë për vaksinën Pfizer dhe për 28 ditë për vaksinat tjera).
