Humbjet e ujit të pijshëm në sistemet e furnizimit me ujë në vend janë ulur për 2,7 % vitin e kaluar (Infografik)

Përqindja e ujit pa të arkëtuar në sistemet e furnizimit me ujë në të gjithë vendin vitin e kaluar u ul për 2.7 %. Ka filluar të rritet ndërgjegjësimi për shërbimet publike në të gjithë vendin, për rëndësinë e zvogëlimit të humbjeve të ujit të pijshëm, i cili në vitin 2018 arriti në 67,55 %, ndërsa në vitin 2020 ato u ulën në 61,94 %, tregojnë të dhënat e shërbimeve të Komisionit rregullator për energjetikë dhe shërbime të ujit, njofton Meta.mk, transmeton Portalb.mk.

Përkundër trendit pozitiv të zvogëlimit të ujit pa arkëtuar, shifrat e vitit të kaluar janë ende larg udhëzimeve të përcaktuara nga Asociacioni ndërkombëtar i ujërave, i cili rekomandon që përqindja e pranueshme e humbjeve të ujit të pijshëm në sistemet e furnizimit me ujë duhet të jetë nën 30 %.

Nga Komisioni rregullator për energjetikë dhe shërbime të ujit për “Meta.mk” thonë, se ka dallime të mëdha ndërmjet komunave në lidhje me humbjet e prodhuara të ujit të pijshëm vitin e kaluar. Kështu, përqindja minimale e ujit të pa arkëtuar vitin e kaluar ishte 7%, ndërsa në disa sisteme komunale të furnizimit me ujë përqindja e humbjeve të ujit të pijshëm u rrit përqindje shqetësuese prej 89% të ujit të pijshëm të prodhuar gjithsej.

“Komisioni rregullator për energjetikë dhe shërbime të ujit mbetet në qëndrimin që vetëm duke investuar në sisteme të përshtatshme mund të zvogëlohet përqindja e humbjes së ujit të pa arkëtuar. Niveli i realizimit të investimeve në sistemet e furnizimit me ujë është i ndërlidhur me çmimin e ujit të paguar nga përdoruesit përfundimtarë”, shtojnë ata.

Pjesëmarrje në përqindjen e lartë të ujit të pa arkëtuar në sistemet e furnizimit me ujë kanë tubacionet e shkatërruara dhe infrastruktura nëpërmjet cilës humbet uji, kontrolli i  pamjaftueshëm i lidhjeve të paligjshme, matësit e instaluar për ujin e konsumuar nga disa përdorues ose matjet e pasakta , përdoret për ujitje të hapësirave publike dhe për funksionimin e shatërvanëve.

Nga KRRE thonë se në përputhje me kompetencat e tyre ligjore, ata e përcaktojnë treguesit kryesorë të suksesit, gjegjësisht qëllimet që duhet të përmbush ofruesi i shërbimit të ujit në lidhje me sigurimin e shërbimit të ujit. Një nga treguesit kryesorë që ERC monitoron dhe analizon është niveli i ujit të pa arkëtuar në sistem. Sidoqoftë, duket se disa komuna në vend dhe ndërmarrjet lokale të shërbimeve publike, ku gjendja është më e keqja, nuk janë shumë të brengosura për humbjet e prodhuara të ujit të pijshëm.

Në fund të janarit të këtij viti, Zyra e Auditimit të Shtetit publikoi Raportin përfundimtar për kontrollin e realizuar të përmbajtjes së rekomandimeve nga auditori i autorizuar shtetëror në temë “Efektiviteti i politikave, masave dhe aktiviteteve me rastin e dhënies së të drejtës për ujin“, në të cilin komunat Dibër, Dollneni, Gostivari, Kërçova, Ohri, Krusheva dhe Koçani janë renditur si qeveri lokale në të cilat në vitin 2019 humbjet e ujit të pijshëm kishin tejkaluar 70% të sasisë së ujit të prodhuar.

“Meta.mk“ i kontaktoi katër komunat me përqindjen më të lartë të ujit të pa arkëtuar, me ç’rast vetëm Gostivari dhe Krusheva vendosën t’iu përgjigjen pyetjeve, duke theksuar se ata janë duke punuar në analizën e humbjeve të ujit të pijshëm, si dhe implementimin të masave për tejkalimin e tyre. Vetëqeverisjet lokale Dibra dhe Ohri nuk iu përgjigjën pyetjeve tona në lidhje me këtë temë.