fbpx

Për dy vjet e gjysmë do të rregullohen dy rrethrrotullime në Shkup me 1.6 km rrugë, prezantoi planin kryetari Shilegov

Tre bulevarde të qytetit të Shkupit do të lidhen përmes dy rrethrrotullimeve që pritet të ndërtohen për dy vjet nga Qyteti i Shkupit, derisa vlera e tyre është rreth 18 milionë euro, transmeton Portalb.mk.

“-Bëhet fjalë për projekt të madh në vlerë totale prej rreth 18 milion euro, për të cilin dje e kemi filluar procedurën, punimet ndërtimore do t’i fillojmë gjatë muajit qershor, kurse realizimi duhet të zgjatë 2 deri 2,5 vjet”, premtoi kryetari i Qytetit të Shkupit, Petre Shilegov, duke prezantuar që njëri do të jetë te nyja në Momin Potok, derisa tjetri te nyja afër Market Hubo.

Në plan paralajmërohet edhe asfaltimi i 1,600 metrave ndërmjet këtyre rretheve dhe deri në kyçjen me bulevardin Sllovenia, duke përfshirë edhe ndërtimin e dy urave për të mbuluar rrjedhjen e lumit Serava.

Këto rrugë do të përmbajnë edhe shteg për biçikleta dhe këmbësorë. Projekti parashikon ndërtimin e 2 urave në lumin Serava i cili rrjedh nën këtë rrugë.

Ndryshe, për hapësirën afër këtij rrethrrotullimi, Komuna e Karposhit e miratoi Planin e ri të detajuar urbanistik (PDU) i cili parasheh që të ndërtohen ndërtesa banimi, qendra tregtare, objekte afariste, hotele, si dhe objekte për institucione publike, ashtu që lartësia më e madhe e ndërtesave është kati përdhes plus 7 kate.

Lajme të ngjashme

Leave a Reply

Your email address will not be published. Required fields are marked *

Back to top button