fbpx

RMV, në objektet fetare mos të ketë më shumë se 30 % e kapacitetit të hapësirës së brendshme, vlerësojnë Qeveria dhe krerët fetar

Qeveria e Maqedonisë së Veriut sot zhvilloi takim me udhëheqësin bashkësisë fetare islame dhe kishës ortodokse, ku biseduan për masat kufizuese për ditët në vazhdim, transmeton Portalb.mk.

Qeveria së bashku me kryetarin e Kishës Ortodokse Maqedonase, z.z. Stefani dhe kryetarin e Bashkësisë Fetare Islame, Shaqir ef. Fetai diskutuan për respektimin e protokolleve ekzistuese, duke theksuara mbajtjen e maskës, distancës, mosgrupimi, ndërsa objektet fetare të shfrytëzohen deri 30 përqind e kapaciteteve të objektit.

Raportohet që në takim është vlerësuar që ulja e rasteve të reja është si rezultat i respektimit të masave, nga do të varet edhe lehtësimi i masave dhe orës policore.

Ndryshe, Komisioni për Sëmundjet Infektive propozoi që ora policore nga e mërkura, 28 prill, të fillojë në orën 21:00 dhe të zgjasë deri në orën 5 të mëngjesit. Komisioni do t’ia paraqesë propozimin Qeverisë, e cila duhet të vendosë në seancë. Qeveria duhet gjithashtu të vendosë nëse do të hapen tarracat verore të objekteve hotelierike.

Shtabi kryesor për koordinim me kriza javën e kaluar i propozoi Qeverisë që ora policore nga 27 prilli deri më 15 maj të fillojë në orën 21, ndërsa objektet hotelierike të hapin vetëm tarracat verore për mysafirët.

Lajme të ngjashme

Leave a Reply

Your email address will not be published. Required fields are marked *

Back to top button