Lajçak takohet me Vuçiqin: Të njëjtat çështje për dialogun do t’i diskutojë gjatë javës me Kurtin
I dërguari i posaçëm i Bashkimit Evropian për dialogun Kosovë-Serbi, Miroslav Lajçak, është takuar me presidentin e Serbisë, Aleksandar Vuçiq në Bruksel ku kanë diskutuar rreth dialogut.
Lajçak po ashtu ka paralajmëruar se të njëjtat çështje rreth dialogut do t’i diskutojë edhe me kryeministrin e Kosovës, Albin Kurti, të cilin do e takojë gjatë kësaj jave, njofton Klan Kosova.
“Duke filluar një javë të ngarkuar të Ballkanit Perëndimor në Bruksel, u takova me Presidentin e Serbisë, Aleksandar Vuçiq, për të diskutuar për dialogun mes Prishtinës dhe Beogradit dhe punën që na pret. Më vonë gjatë kësaj jave, unë do të diskutoj të njëjtat çështje me Kryeministrin e Kosovës Albin Kurti”, ka shkruar Lajçak.
Kicking off a busy Western Balkans’ week in Brussels, I met with @predsednikrs @avucic to discuss the Belgrade-Pristina Dialogue and the work ahead. Later this week, I will discuss the same issues with the Prime Minister of Kosovo Albin Kurti. pic.twitter.com/Oxuu4Zcvdx
— Miroslav Lajčák (@MiroslavLajcak) April 25, 2021